ГУК «Центр развития бурятской культуры Забайкальского края»
Медиа · 13 октября 2026 г.
Ага нютагтамнай СССР-эй арадай артист Һасаран Линховоиной нэрэмжэтэ дуушадай XIII уласх...
Ага нютагтамнай СССР-эй арадай артист Һасаран Линховоиной нэрэмжэтэ дуушадай XIII уласхоорондын мүрысөөн дахяад үнгэргэгдэхэнь Уужам Агын талада түбхинэн нэмжыһэн Ага-Хангил нютаг уран бэлигтэй эрдэмтэдээр, барилдааша бүхэ хүбүүдээр, һурша мэргэн баатарнуудаар, талаан бэлигтэй дууша, хатарша, зүжэгшэ абьяастай арад зоноороо, хурдан агта хүлэгүүдээрээ хаа хаанагүй суурхан байдаг. Намдуу байдалтай намжаа һайхан энэ нютагта 1924 оной январиин 1-дэ СССР-эй арадай артист Һасаран Лодонович Линховоин түрэһэн юм. Бүхэдэлхэйн зэргын дуушан Һасаран Лодонович талаан бэлигээрээ түрэл тоонто нютагаа, Агын талаяа хаа хаанагүй суурхуулаа. Агын тойрог дотор залуу дуушадай дунда Һасаран Линховоиной нэрэмжэтэ мүрысөөн 1988 ондо эгээл түрүүшынхеэ эмхидхэгдэһэн юм. Тус мүрысөөндэ талаан бэлигтэй буряад арадай дуушан Һасаран Лодоновичиин дурасхаалда хүндэеэ мэдүүлэн, Агын тойрогһоо, Улаан-Үдэ хотоһоо, Усть-Ордагай Буряадай автономито тойрогһоо, Хэнтэйн аймагһаа дүн хамта 46 дуушад сугларһан байна. Оросой Холбооной арадай зүжэгшэн К.И.Базарсадаев түрүүлэгшэтэй шүүгшэд: Оросой Холбооной габьяата артист Б.Д.Бороев, Буряад уласай арадай артист К.К.Миткинов, Оросой Холбооной арадай зүжэгшэн В.Я.Буруев, Оросой Холбооной арадай зүжэгшэн Э.С.Маковский, Оросой Холбооной искусствын габьяата ажаябуулагша Э.С.Маковский, Оросой Холбооной арадай зүжэгшэн Д.Л.Линховоин, Монгол уласай уран урлалай габьяата ажаябуулагша Дашням, Эхирит-Булагадай аймагай соелой таһагые даагша Л.Б.Малиновская, Оросой Холбооной соелой габьяата ажалшан Д.Р.Ринчинов, Оросой Холбооной соелой габьяата ажалшанЛ.Г.Аверьянов, Оросой Холбооной соелой габьяата ажалшан Б.Бальжинимаев, Агын тойрогой соелой таһагые даагша Б.Б.Мункожаргалов гэгшэд дуушадые сэгнэжэ, энэ мүрысөөн үндэр зиндаатай, нэрэ хүндэтэй болоһон байна. Мүрысөөнэй хоердохи үдэртэ Ага-Хангил нютаг дээрэ Һасаран Лодоновичай наһанай нүхэр Вера Дашиевна Лыгденова-Линховоина, басаган Дарима Линховоина болон олон тоото айлшадай, нютагайхинай хабаадалгатайгаар Һасаран Линховоиной музей нээгдээ һэн. Түрүүшын мүрысөөнэй дүнгөөр залуу дуушад дипломант нэрэ зэргэдэ хүртэжэ, олон дуушад хүндэлэлэй грамотаар, мүнгэн шангуудаар шагнагдаа. Тэдэнэй тоодо Горьков хотын консерваториин оюутан С.Саранов, ХХII партсъездын нэрэмжэтэ колхозой ахамад хонишон Б.Ж.Батомункуева, Хара-Шэбэр нютагай үхибүүдэй хүгжэмэй һургуулиин багша Д.Балданова, Согто-Хангилай дунда һургуулиин багша Н.Динганорбоева, тойрогой соелай таһагай мэргэжэлтэн Д.Норбоева, Улаан-Үдын хүгжэмэй училищиин оюутад Т.Дамдинжапова, В.Ванчиков, Д.Санжажапова, Н.Сибиряков, Г.Гэрэлбаатар, Хэнтэйн аймагай“Хан Хэнтэй”ансамблиин дуушан болон бусад. Тэрэ гэһэн сагһаа хойшо Һасаран Линховоиной нэрэмжэтэ дуушадай мүрысөөн хоер жэлэй нэгэ удаа болодог заншалтай юм. 1994 ондо тус мүрысөөн Уласхоорондын зиндаатай боложо, олон залуу дуушадта үргэн харгы нээжэ үгэһэниинь дамжаггүй. Мүнөө жэл октябриин 14-16-ай үдэрнүүдтэ СССР-эй арадай артист Л. Линховоинай нэрэмжэтэ дуушадай уласхоорондын ХV мүрысөөн дахяад хабаадагшадаа болон айлшадаа угтан абахань. Наш канал МАХ https://max.ru/id8001014890_gos Сайт https://бурятскаякультура.рф