Хакас тілі – Яндекс Тілбесчіде — 28 апреля 2026 г. в 10:26:36.327
Хакас тілі – Яндекс Тілбесчіде Пӱӱннең сығара Яндекс Тілбесчіде хакас тілі тоғынып пастабысты. Аннаңар піске проекттің техническай чардығы ӱчӱн нандырчатхан ХакНИИЯЛИ-ның наука тоғынҷызы Василий Адёшкин искірче. Чоохтирға кирек, хакас тілін пу сервиске киріп алар сағысха хабазып, Хакасия ӱлгӱлері Национальностьтар киректерінҷе федеральнай агентствонаң чӧптезіглер апарған. Салтарында агентство пастыра хакас тілі, хазнабыстың пасха чибіргі азыра тіл санына киріліп, национальнай сервиске Россия чоннарының тіллерін кирер проектке алылған паза регион чоохтарны тимниріне ахчалығ хабазығ алған. 2025 чылда ХакНИИЯЛИ-ның устаанынаң учёнайлар, ӱгретчілер, хабарҷылар паза сӧс чайаачылары 100 муң азыра хакас-орыс паза орыс-хакас тілбестеглерін тимнееннер. Прай тимнелген чоохтағлар Яндекс Тілбесчее пирілгеннер. 2026 чылның пастағы айларында аймах сынағлар иртірілгеннер. Ол тоғыстарны тоозып, Яндекс Тілбесчі, хакас тілін пасха тіллерге хозып, сервиске кир салды. ХакНИИЯЛИ-ның устаанынаң тілбесчілер тілбестег тоғызын нейросеть полызиинаң узаратчалар. Пӧгін – 2026 чыл тоозыларына хоза 300 муң тілбестег тимнеп саларға! Таныхтирға кирек, республика аннаң андар ахчанаң хабасча. Наталья Сюптерекова Скрин Василий Адёшкинни