#Үтүө көмөһүт
#Үтүө көмөһүт Анал байыаннай дьайыыга кытта сылдьар биир дойдулаахтарбытыгар уонна кинилэр дьиэ кэргэттэригэр араас кэмнээх көмө оҥоһуллар. Ааспыт өрөбүллэргэ анал байыаннай дьайыыга кытта сылдьар байыастарбытыгар анаан балыкка муҥха тэрээһинэ ыытыллыбыт. Хомуур балыктааһын улуус дьаһалтатын исписэлииһэ, үтүө көмөһүт Андрей Бережнов салалтатынан тэриллибит: "Кэлэр ыйга анал байыаннай дьайыыга, уочараттаах көмө сырыыбытын толоро барабыт. Бу өрөбүллэргэ биир дойдулаахтарбытыгар анаан муҥханан балыктаан кэллибит. Үтүө тэрээһиҥҥэ кыттыбыт дьоммутугар, балыктыыр сиргэ көҥүл биэрбит, муҥха тээбирининэн хааччыйбыт Илья Чукровка, балыгы вакуумнаан бэлэмнээбит Петр Винокуровка уонна бииргэ сылдьыспыт, көмөлөспүт доҕотторбор барҕа махталбын тиэрдэбин. Маны сэргэ байыаннай дьайыы кыттыылаахтарын дьиэ кэргэттэригэр улуус уонна куорат дьаһалтатын, олохтоох ОДьКХ, Авиалесохрана, "Аартыка суоллара" ХТ үлэһиттэрин сомоҕо күүстэринэн, дьиэ ис-тас үлэтигэр, араас таһымнаах өрөмүөннэр ыытыллаллар"- диэн үтүө хамсааһыннар тустарынан билиһиннэрдэ. Эйэлээх олох иһин кытта сылдьар байыастарга үбүнэн көмө пуондата аһаҕас, онон кыра да болҕомто, сылаас тыынынан, сырдык эрэлинэн буоларын өйдөөн туран, биир дойдулаахтарбытын үтүө дьыалаларга кыттыһаргытыгар ыҥырабыт. Саргылана Кокорина 📸Андрей Бережнов @khalymadolgunnara @ulusmedia