🔔Муус устар 6 күнүгэр оскуолабытыгар интэриэһинэй көрсүһүүлэр буоллулар. Ол курдук, ос...
🔔Муус устар 6 күнүгэр оскуолабытыгар интэриэһинэй көрсүһүүлэр буоллулар. Ол курдук, оскуоланы бүтэрбиттэрэ 5️⃣5️⃣ сыл буолбут выпускниктар кэлэннэр 5-11 кылаастары кытта көрүстүлэр. Ыаллыы сытар Эбээх, Сыбаатай,Аргахтаах нэһилиэктэриттэн уонна олохтоохтор буолан, 7 кыырыктыйбыт баттахтаах, ол эрэн бэйэлэрин истэригэр билигин да "оҕолор" оччотооҕу оскуолатааҕы күндү күннэрин туһунан кэпсээтилэр. Доҕотторун ахтан-санаан аастылар. Көрсүһүү түмүгэр Өлөөкө оскуолатыгар сэмэй бэлэхтэрин, алгыстаах харысхалы туттардылар. ♟️Иккис көрсүһүү Орто Халыма улууһун нуучча дуобатыгар маңнайгы спорт маастара Третьяков Иван Анисимовичтыын буолла. Иван Анисимович оскуоланы 70 сыл анараа өттүгэр бүтэрбит биһиги оскуолабыт бочуоттаах выпускнига, 20-чэ сыл устата выпускниктарга аныыр стипендиялаах убаастыыр биир дойдулаахпыт буолар. Бу сырыыга кини көрсүһүүтэ - дуобакка сеанс буолла. Оҕолуун, улаханныын өй оонньуутун таптааччылар мустан спорт маастарыныын эристилэр. Мындыр толкуйдаах киһиттэн уопутылан, сатабылга үөрэннилэр. Дьэ, маннык олус сэргэхтик ааста төрдүс чиэппэр бастакы үөрэх күнэ. 📸🖊️ Изабелла Ноговицына, Өлөөкө Күөл бөһ. @khalyma_dolgunnara @ulusmedia