#Үөрэхтээһин
#Үөрэхтээһин 🌞2026-2027 саҥа үөрэх дьыла саҕаланан, оскуолалар, уһуйааннар үлэлэрин саҥа соруктаах саҕалаатылар. Улуустааҕы үөрэх управлениетын салалтата иһитиннэрэринэн улуус үрдүнэн оҕо уһуйааннарыгар 322 оҕо хабыллыбыт. Мантан 210 Орто Халыма куоратын уһуйааннарын иитиллээччилэрэ. Быйылгы дьыл ирдэбилин сүрүн соругунан, оҕо доруобуйатын, өйүн-санаатын, этин-хаанын сайдыыта буолар. 🥳Бу күннэргэ, Оскуола иннинээҕи саастаах оҕолору иитэр-үөрэтэр уһуйааннар үлэһиттэрин күнүн чэрчитинэн, сахалыы тыллаах "Саһарҕа" оҕо уһуйааныгар ("Служба ранней помощи") Оҕону кыра сааһыттан сайыннарар сулууспа кырачаан иитиллээччилэригэр уонна кинилэр төрөппүттэригэр аанын тэлэччи арыйда. Сэбидиссэй эбээһинэһин толорор Анна Спиридоновна Созонова иһитиннэрэринэн бүгүҥҥү күн 18 миэстэлээх сулууспаҕа 11 төрөппүттэн сайаапка киирбит. Саамай кыра саастаах- 5 ыйдаах иитиллээччи кэлэрэ былааннанар. Онон сотору кэминэн кырачааннар төрөөбүт уйаларыттан ураты, өссө биир дьиэлэрин кытта билсиһэн, тулалыыр эйгэлэрэ кэҥиэҕэ, үөрэхтээһин эрэсиимигэр киирэллэригэр өйдөрүн-санааларын бэлэмниэхтэрэ. Тустаах сулууспа көмөтүнэн, төрөппүт, оҕо, иитээччи кэлэр үөрэх сылын холкутук көрсүөхтэрэ. 🚦Маны сэргэ уһуйааҥҥа 🚛суол быраабылатын үөрэтиигэ аналлаах «Светофор»кэбиниэт арылынна. Анал тэрээһиҥҥэ Суол-иис быраабылатын судаарыстыбаннай Орто Халыматааҕы иниспиэксийэтин начаалынньыга, полиция майора Александр Михайлович Максимов кыттыыны ылла. Саргылана Кокорина 📸Дина Беляева, Елизавета Бандерова @khalymadolgunnara @ulusmedia