Алаһыай орто оскуолатын үөрэнээччилэрэ – Саха Өрөспүүбүлүкэтин государственноһын күнүн ...
Алаһыай орто оскуолатын үөрэнээччилэрэ – Саха Өрөспүүбүлүкэтин государственноһын күнүн дьоһуннаахтык бэлиэтээтилэр Балаҕан ыйын 27 күнэ – Саха Өрөспүүбүлүкэтин олоҕор ураты суолталаах күн. Бу күн биһиги өрөспүүбүлүкэбит саҥа олоҕун, сайдыытын саҕалаабыт күнүнэн буолар. Бу дьоһуннаах куну Алаһыай орто оскуолатын үөрэнээччилэрэ умсугутуулаахтык уонна өйдөнүмтүө гына бэлиэтээтилэр. Оскуолаҕа өрөспүүбүлүкэбит историятыгар уонна государственноһын суолтатыгар анаммыт тэрээһин буолла. Оҕолор бу күҥҥэ анаан бэйэлэрэ оҥорбут Саха Өрөспүүбүлүкэтин былаахтарын тутан, киэн тутта турдулар. Хас биирдии оҕо былаах өҥнөрүн уонна кинилэр суолталарын туһунан кылгастык кэпсээтэ. Маҥан өҥ – хоту дойду тымныытын, ыраас хаарын; күөх өҥ – Саха сирин киэҥ куйаар тыаларын, алаастарын; кыһыл өҥ – дьулуурбутун, инникигэ дьулуһуубутун; оттон күн – биһиги дьолбут, кэскилбит бэлиэтэ диэн быһаардылар. Уөрэнээччилэр «Сахам сирэ барахсан» хоьоон аа5ан иьитиннэрдилэр. Хоһоон төрөөбүт дойдуга тапталы, Саха сирин кэрэ айылҕатын, норуот түмсүүтүн уонна инникигэ эрэли хоһуйдулар. Оҕолор ийэ дойдуларыгар анаан эрэллээхтик, истиҥник тыл эттилэр. Бу кун Алаһыай оскуолатын үөрэнээччилэригэр Саха сирин историятын, культуратын өссө дириҥник билэргэ уонна төрөөбүт дойдуларынан киэн туттарга көмөлөстө. Маннык тэрээһиннэр оҕолорго патриотизм, гражданственность иэйиилэрин иитэллэр, кинилэр өйүлэригэр-санааларыгар төрөөбүт дойдуларын уонна кини кэскилин туһунан дириҥ өйдөбүлү олохтууллар. #Росдетцентр #НавигаторыДетства #ДеньГосударственностиРСЯ #Япатриотсвоейстраны14