"Кырдьаҕаһы хааһахха сүгэ сылдьан сүбэлэт" диэн этэр өбүгэ бэргэн этиитэ. Ол туһунан ан...
"Кырдьаҕаһы хааһахха сүгэ сылдьан сүбэлэт" диэн этэр өбүгэ бэргэн этиитэ. Ол туһунан аныгы ыччат туох санаалааҕый? Третьяков Юра 9 кылаас :"Мин бу этиигэ дириң суолтаны көрөбүн. Бу өс хоһооно билбэт буоллаххына кырдьаҕас киһиттэн ыйыт диэн этэр. То5о диэтэр, кырдьаҕас киһи, саастаах дьон мындыр өйдөөх, олус муударай буолаллар. Хас биирдии өс хоһоону суолтатын өйдөөн олоххо туһаныахха наада." Бубякина Сааскылаана 9 кылаас:" Бу эдэр көлүөнэҕэ анаммыт өс хоһооно. Кырдьаҕас киһи биллэн турар, эдэр киһитээҕэр элбэҕи билбит, көрбүт буолара. Олоххо да көрүүтэ быдан атын. Кини эдэрдэр кыайан эппиэти булбат ыйытыыларыгар хоруйдуур кыахтаах. Ханнык да ыарахан кэмңэр сүбэлээн-амалаан биэриэ. Быһаччы эттэххэ, "хаама сылдьар энциклопедия" буолар. Онон ытык дьоммутун харыстаан сүгэ сылдьыах тустаахпыт". Созонов Эрхан 10 кылаас:" Олоҕу олорбут киһи тылын иһит диэн ис хоһоонноох этии. Туох сыыһатын, туох сөбүн кини билэр. Онон өс хоһооно мээнэ айыллыбат, үөрэтэр суолталаах." Винокуров Арылхан 10 кылаас:" Кырдьаҕастары убаастыыр, харыстыыр эбээһинэстээхпит. Кинилэр уһуннук олорбут, элбэҕи ааспыт дьон олоҕу ис дьиңин билбит муударай дьон буолаллар. Мин эбэм миигин сиэри-туому тутуһарга үөрэппитэ, үөрэтэр." Винокуров Игнат 10 кылаас:" Урут уруккуттан дьоннор кырдьа5ас дьону илдьэ сыддьан сүбэлэтэллэр этэ. Ханнык баҕарар ыарахан кэмңэ кини сүбэтин-аматын ылан, ону тутуһан ыарахан кэмнэрин арыычча чэпчэкитик туорууллара. Кырдьаҕас дьонтон мин элбэхтэ сүбэлэппитим. Олус абыраабыттара онуоха наһаа махтанабын." Винокуров Мирослав 10 кылаас:" Өбүгэбит этэн хаалларбыт дириң ис хоһоонноох өс хоһооно биһигини толкуйдатар күүстээх. Кырдьаҕас киһи төһө да кырдьан, мөлтөөн, кууран-хатан хааһахха да батар гына аччаатар кини сүбэтэ- амата олус туһалаах, наадалаах буоларын өйдөтөр. Кинилэр биһигиннээҕэр уһуннук олорбут дьон олоҕу билэр буоллахтара. Кинилэр мындыр сүбэлэрэ олус наадалаа5ын өйдөөннөр итинник бэргэн этии баар буолбут. Мииигин эбэм ыраастык таңнарга үөрэтэрэ. Оттон икки эһэлэрим булчут киһи тэрилэ хаһан ба5арар ыраас буолуохтаах диэн үөрэтэллэр. Үтүө сүбэни кулгаах таһынан аһарбакка, тутуһар ордук." Дьэ, оҕолорбут маннык санаалаахтар эбит. Оттон эһиги, бу өс хоһоонун хайдах өйдөөн ылына5ыт? И.Ноговицына Өлөөкө Күөл с. @khalyma_dolgunnara