#тыа_хаһаайыстыбатын_үлэһиттэрин_күнэ
#тыа_хаһаайыстыбатын_үлэһиттэрин_күнэ Тыа хаһаайыстыбатын үлэһиттэрин күнүн бэлиэтиир былаан чэрчитинэн, улуустааҕы тыа хаһаайыстыбатын салалтата бу салаа бэтэрээннэрин кытта улуус саалатыгар көрсүһүүнү тэрийдэ. Манна араас кэмҥэ салалтаҕа, мэхэньисээтэринэн үлэлээбит ытыктанар биир дойдулаахтарбыт улуус баһылыгын солбуйааччы Ю.А. Гуляевы, тыа хаһаайыстыбатын управлениетын салайааччы Е.Н. Жиркованы кытта көрүстүлэр. Юрий Алексеевич бэтэрээннэри идэлээх бырааһынньыктарынан эҕэрдэлээтэ, киллэрбит кылааттарыгар барҕа махталын биллэрдэ. Елизавета Николаевна улуус билиҥҥи туругун, туох ыарахаттар баалларын сиһилии билиһиннэрдэ. Эдэрдии эрчимнэрин ыһыктыбатах бэтэрээннэр Ю.А. Явловскай, А.И. Колесова, В. И. Третьяков, А.Д. Слепцов салаа сайдарыгар бэйэлэрин көрүүлэрин үллэһиннилэр, сүбэ-ама буолаарай диэн элбэх этиини киллэрдилэр. Тыа хаһаайыстыбата улууска биир сүрүн салаа буоларынан хайдах да илии соттубакка, салгыы сайыннарар наадатын туһунан тоһоҕолоон бэлиэтээтилэр, ордук дьаралыкпытыгар баар Халыма сылгытын иитиитигэр күүстээхтик ылсыахха диэн этиннилэр. Быйылгы үбүлүөйдээх сыл ССРС 50 сылын аатынан сопхуос 65, Алаһыай сопхуос 50 сылын бэлиэтээн буолбут тэрээһиннэрин ырыттылар, түмүктүүр биэчэр барылын быһаарыстылар.Көрсүһүү оҥорбуттарыгар, кинилэр санааларын болҕомтолоохтук истибиттэригэр истиҥник махтаннылар, маннык сүбэ мунньахтар кэмиттэн кэмигэр буолан иһэллэригэр баҕа санааларын биллэрдилэр. 📸🖊 Светлана Третьякова @ulusmedia @khalyma_dolgunnara