#Успуорт
#Успуорт #Ийэ күнэ 🏆🥇🥈🥉Бу күннэргэ Иккис Хаҥалас нэһилиэгэр Ийэ күнүн чэрчитинэн кэрэ аҥардарга спартакиада өрө күүрүүлээхтик буолан ааста. Быйылгы тэрээһини орто саастаахтар түмсүүлэрэ тэрийэн ыытта. Спартактада эдэр ыччаттар, орто саастаахтар уонна аҕам саастаахтартан туруоруллубут туох баар нэһилиэк дьахталларын барыларын тумтэ. 4 хамаандаҕа арахсан 8 көрүҥнэ (сүүрүү, волейбол, кронхолл, дартс, теннис, хабылык, хаамыска, скакалка ) күрэхтэстилэр. ✊🏼Курэх түмүгүнэн “Ассорти”- 15, “Цветная банда”- 18, “Амазонки”- 22, “Виктория”- 25 очко ылан, "Ассорти" хамаанда (капитан Гуляева Марианна Дмитриевна) кыайыы өрөгөйүн ылан 10 тыһыынча солкуобайы уу харчынан бириис ылла. Бу харчытын хамаанда АБДь кытта сылдьар буойуттарбытыгар ыытарга анаата. 💃🏻Ону таһынан кыттыбыт спортсменнар бары кулуупка бырааьынньыктыы тардыллыбыт остуол тула олорон 80-90 сыллардааҕы ретро таҥастары кэтэн кэлэн ыллаан- оонньоон, көрүлээн- үҥкүүлээн үөрэн көтөн бу бэлиэ күммүтүн атаардыбыт. Бу спартакиаданы былырыын бастаан тэрийбит эдэр ыччат түмсүүтүгэр лидер Слепцова Сахая Тарасовнаҕа, быйыл тэрийэн ыыппыт орто саастаахтарга махталбытын тиэрдэбит. Сылын ахсын бу курдук спартакиада ыытылла турдун диэн баҕара хааллыбыт. Людмила Никитина @khalymadolgunnara @ulusmedia