Хангаласский улусный краеведческий музей им. Г. В. Ксенофонтова
Без категории · 23 июня 2026 г.
«Ойуку оһуордаах ыллыгынан» — 23 июня 2026 г. в 11:00:11.138
«Ойуку оһуордаах ыллыгынан» Быйыл Саха сиригэр норуот тапталлаах суруйааччыта, кыраайы үөрэтээччи уонна общественнай диэйэтел Павел Николаевич Харитонов-Ойуку 85 сааһын бэлиэтиибит. Бу бэлиэ күнүгэр анаан «Ойуку оһуордаах ыллыгынан» диэн тэрээһин үрдүк таһымҥа ыытылынна. Тэрээһин бэс ыйын 21 күнүгэр Эркээни ыһыаҕар Орто дойду сиригэр-уотугар буолан ааста. Г. В. Ксенофонтов аатынан Хаҥалас улууһун кыраайы үөрэтэр түмэл уонна П. Н. Харитонов-Ойуку аатын сүгэр Хаҥаластааҕы киин библиотека бииргэ бу тэрээһини сылаас, истиҥ быһыыга-майгыга ыыппыттара. Түмэл үлэһиттэрэ Ойуку илиитинэн оҥорбут уран оҥоһуктарын уонна уруһуйдарын быыстапкатын туруорбуттара, ону тэҥэ "Хаҥалас сирин номоҕо" диэн быыстапканы уонна дьаамнар култуураларын көрдөрөр түмэл экспонаттарынан фотозона оҥорон дьон болҕомтотун тарпыттара. Ойуку аатын сүгэр Хаҥаластааҕы киин библиотека үлэһиттэрэ "Айымньыга айан" диэн "Хоболоох суол" романынан түрдьэ хартыыналар быыстапкатын арыйбыттара. Бу тэрээһиҥҥэ ыҥырыылаах ыалдьыттарынан буоллулар: Саха норуодунай суруйааччыта Семен Андреевич Попов-Сэмэн Тумат, "Чолбон" сурунаал бас эрэдээктэрин солбуйааччы Данил Николаевич Макеев уонна идэтийбит уус-уран тылбаасчыт Альбина Андриановна Борисова. Павел Харитонов-Ойуку — саха литературатыгар история кырдьыгын, дьаамнар олохторун уонна төрөөбүт айылҕа кэрэтин умсулҕаннаахтык хоһуйбут улуу маастар. Кини айбыт оһуордаах ыллыга үйэлэргэ өһүөхпэт, эдэр көлүөнэҕэ сырдык суолдьут буолан сырдыы туруоҕа!