Наукаҕа айан — 28 июля 2026 г. в 01:14:01.223
Наукаҕа айан Гонконгтан доктор Патрик Лам уһуйар оҕолорунаан “Эллэйээдэлэргэ” ыалдьыттаата “Эллэйээдэ” үөрэнээччилэр научнай экспедициялара быйыл сайын үлэтин салгыыр. Бу күннэргэ эдэркээн чинчийээччилэр Москваттан РАН ПИН палеонтологтарын экспедициятын кыттыылаахтарын кытары походка Еланка эҥэр сырыттылар. Манна биллиилээх палеонтолог Галина Анекеева салалтатынан биһиги оҕолорбутун кытары араас экспедицияларга хаста да сылдьыбыт аатырбыт академик С.В. Рожнов сорудаҕынан Кембрий кэминээҕи таастыйбыт харамайдары көрдөөһүҥҥэ кытыннылар. Онтон бу ааспыт субуотаҕа “эллэйээдэлэргэ» Гонконгтан доктор Патрик Лам үөрэтэр оҕолорун, устудьуоннарын аҕалан Нөмүгүгэ кэлэ сырытта. Санаам батарбакка тиийэ сырыттым... Прокопий Ноговицын ыалдьыттары көрсөргө үөрүйэх Бу сырыыга эрдэттэн Эркээни хочотун таастарынан, оҕолор экспедицияларга сылдьыбыт булумньуларынан бэртээхэй быыстапканы тэрийдэ. “Эллэйээдэлэрэ” уопуттаах дьон быһыытынан омук ыччаттарыгар интэриэһиргээбит булумньуларын билиһиннэрдилэр. Сиhилии: https://ханаласгазета.рф/76537-2/ Людмила АММОСОВА. Ааптар уонна П.Р. Ноговицын хаартыскаҕа түһэриилэрэ. @gazetahangalas Газета «Хангалас» в МАХ: https://max.ru/join/EMcGjeReldjRsN-wEC3qjk3EM5JlIYb-KMZvwzUmnRM ВКонтакте: https://vk.com/gazetahangalas