Алтынньы ый 16 күнүгэр Өктөм орто оскуолатыгар Илья Шадрин төрөөбүтэ 265 сылыгар анаммы...
Алтынньы ый 16 күнүгэр Өктөм орто оскуолатыгар Илья Шадрин төрөөбүтэ 265 сылыгар анаммыт улуустаа5ы «Улуус салайыытын суолунан» бырайыак түмүктэнэр тэрээһинэ ыытылынна. Хаҥалас улууһун кыраайы үөрэтэр түмэлэ уонна олохтоох библиотекалар Илья Шадриҥҥа аналлаах быыстапка тэрийдилэр: кинигэлэр, архивнай матырыйааллар, хартыыналар. Тэрээһин үөрүүлээх арыллыытыгар эҕэрдэ тыл эттилэр Хаҥалас улууһун быһылыга Гребнев Сергей Геннадьевич уонна Россия юристарын Ассоциациятын Саха сиринээҕи отделениятын уонна М.К.Аммосов аатынан ХИФУ юридическай факультет аатыттан Александр Николаевич Ким – Кимэн. Тэрээһин үлэтэ түөрт сиринэн ыытылынна. «Актуальность наследия И.Шадрина сегодня» төгүрүк остуол тула кэпсэтиини иилээн саҕалаан ыытта Александр Николаевич Ким – Кимэн. Бу кэпсэтиигэ кыттыыны ыллылар кыраайы үөрэтээччилэр Федорова Раиса Викторовна, Ильин Николай Семенович, Ефремов Митрофан Ильич уонна Покровскай төрдүс оскуолатын 7 кылааһын үөрэнээччитэ Непрас Ева, Өктөмнөөҕү үөрэҕирии түмэлин салайааччыта Ноговицына Валентина Петровна, Сиинэ орто оскуолатын дириэктэри солбуйааччыта Петрова Александра Павловна, Сиинэ түмэлин салайааччыта Голокова Мария Афанасьевна, Барамыгин Николай Андреевич, Протодьяконов Борис Петрович. «Улуус салайыытын суолунан» квест оонньууга 52 үөрэнээччи кыттыыны ыллылар: ПСОШ №1, ПСОШ №2, ПСОШ №3, ПСОШ №4, УАСОШ, Ойская СОШ, ОНОЦ, ОСОШ, Синская СОШ. Оонньуу түмүгүнэн Уулаах Аан орто оскуолата 35 баллы хомуйан бастакы миэстэни ылла, онтон 33 баллаах Өктөмнөөҕү үөрэх билим киинэ иккис миэстэ уонна Покровскай төрдүс оскуолата 32 баалы ылан үһүс миэстэ буоллулар. Покровск үһүс уонна Ой оскуолатын үөрэнээччилэрэ Илья Шадрин кэпсэтии ыытар сатабылларын туһунан архивнай докумуоннарынан мастер класс ыыттылар. Тэрээһин иһинэн «Краеведческая гостиная: диалог времен» улуус кыраайы үөрэтээччилэрин опыттарын атастаһыыта буолан ааста. Төгүрүк остуол кэпсэтиитин түмүгүнэн И.Шадрин аатын үйэтитиигэ резолюция ылылынна. Улуу киһибит Илья Шадрин хаалларбыт сүрүн салайар принцибэ – дьоннору «күһэйэн буолбакка, бэйэлэрин баҕаларын уонна интириэстэрин уһугуннаран» салайыы - бүгүн да улууспут үөрэҕириитигэр сүрүн суолдьута буолар.