✒ Ане̄квам ма̄щтыр нэ̄ о̄лыс — 2 июля 2026 г. в 12:50:49.266
✒ Ане̄квам ма̄щтыр нэ̄ о̄лыс Ма̄щтыр нэ̄ Марина Александровна Гоголева Ха̄льӯст о̄лы. Тав ётэ Ха̄льӯс районный культура колт хо̄нтхатыгласум. Нэ̄ китыгласлум, хотыл о̄лы, манхурип пормасыт ка̄тыл ва̄ри. На̄н ань э̄лаль Марина Александровна потре ловиньтэлы̄н. – Ам тыт Ха̄льӯст 1965 та̄лт я̄ӈк на̄тнэ э̄тпост самын патсум. Омам ханты нэ̄ о̄лыс, наме Нина Ильинична Миляхова, тав фельдшерыг рӯпитас. А̄тям Александр Васильевич рущ хум. Ма̄н колта̄глув о̄влэ̄т Пугоры па̄вылт о̄лыс. 1979 та̄лт вит о̄нтыс, па̄влыӈ мир пуссын Тэ̄к па̄вылн ва̄нтлуптаве̄сыт, ма̄н о̄с тув та о̄лмыгтасӯв. Ам ёлы-пал а̄пщим о̄лыс, тав хосат а̄тимыг е̄мтыс. Материал на сайте https://khanty-yasang.ru/luima-seripos/no-12-1366/22782 #ХантыМансиМир #ЛуимаСэрипос #статьиОРНГ #ТекстНаМансийском