✒ Сāӈквылтапыл сāӈквылтан мāньщи хум — 13 июля 2026 г. в 12:47:03.715
✒ Сāӈквылтапыл сāӈквылтан мāньщи хум Лӯпта э̄тпос вāт нупыл атыт хо̄талэ̄т Ханты-Мансийск ӯст «Округ творчество колт» сāӈквылтап вāрнэ ос сāӈквылтапыл са̄ӈквылтан ханищтап вāрыглавес. Ты вāрмальн Хāльӯс район Хулюмсӯнт пāвылныл акв мāщтыр мāньщи хум во̄виньтавес. Ты Николай Тимофеевич Пеликов, тав сāӈквылтапыл сāӈквылтаӈкве сака хāсы. Хотьютын ты вāрмальн ханищтавес ос хо̄т яныгмас, ань хум такви о̄лупсатэ урыл мāнавн потыртас. Николай Тимофеевич Свердловский область Бурмантовский районт Ультэм пāвылт самын патыс. Ты пāвыл Посырья хосыт алгаль ӯнлыс. Тав āтятэ Тимофей Николаевич Пеликов сака мāщтырыг сāӈквылтас. Сосса мир о̄лнэ-хӯлнэ тэ̄лат ёмщакв вāсанэ. Оматэ наме Нина Яковлевна Бахтиярова (тав ёты о̄йкатэ о̄парищ наме, āги о̄парищ наме Самбиндалова о̄лыс). Тав ня̄йт нэ̄ о̄лыс, э̄лы хо̄талыт кāсалāлыс. Материал на сайте https://khanty-yasang.ru/luima-seripos/no-13-1367/22855 #ХантыМансиМир #ЛуимаСэрипос #статьиОРНГ #ТекстНаМансийском