✒ Тәрумӆор вош вўӆєӊ хә — 9 июля 2026 г. в 12:25:32.231
✒ Тәрумӆор вош вўӆєӊ хә Мўӊ шуши мириев рәт мўвевн вәӆӆӑт, йис ёх йис вєрӑт нәмӆӑт. Тәрумӆор ёх йистєӆн рәпитӆӑт па мўвеӆ ӆавӑлман тӑйӆӑт. Тӑмхӑтӆ ма Андрей Данилович Молданов оӆӑӊӑн хӑншты ӆӑӊхаӆум. Андрей Данилович Тәрумӆор мўвн сєма питӑс. Тӑм оӆ Ас нопăтты тылӑщ хәӆмит хӑтӆӑн ӆўв ӆапӑтъяӊ тăӆа йис. Щит каркам, вєрӑӊ па рәпата пєӆы сӑмӑӊ хӑннєхә. Тӑм хӑнты ики Тәрумӆор ӑшколайн хәӆум класс вәнта вәнӆтыӆӑс, щӑӆта Касум ӑшколайн нивӆ класс етшуптӑс. Ӑшкола ю̆пийн 1974-мит оӆ вўш эвӑӆт кўлупн и оӆ, щӑӆта Касум совхозн вўӆы ӆавӑӆты хәя 12-мит пиркатайн рәпитты питӑс. 1975-мит оӆн Андрей Данилович па Любовь Павловна ия̆ха вәӆты питсӑӊӑн. 25 оӆ пиркатайн ия̆ха вўӆы тащн рәпитсӑӊӑн, вўӆы ӆавӑӆты – щит атӆ-хӑтӆ оӆумӆы вәӆты. Рәпата ӆавӑрт, оӆ мӑр вўӆы тащ пиӆа ар пўш касӑӆты мосӆ. И тӑхийн ӑн омӑсӆӑт, юрн хотӑт йира вўты па ар вєр вєрты мосӆ, тәп щи хәя щи вєрӑт әмӑщ. Вўӆыӆаӆ пиӆа єнмум хӑннєхә щи вєр сӑмӑӊа тӑйӆӑӆэ. Материал на сайте https://khanty-yasang.ru/khanty-yasang/no-13-3697/22868 #ХантыМансиМир #ХантыЯсанг #статьиОРНГ #ТекстНаХантыйском