✒ Гришкин икет – хурӑт хӑншты хәйт — 18 июля 2026 г. в 12:43:00.761
✒ Гришкин икет – хурӑт хӑншты хәйт Тӑм ванӑн «Торум Маа» тăхийн «Диалог с вечностью. Гришкин икет хӑншум хурӑт» нємпи хурӑӊ ванӆтупсы вәс. Щӑта Артём, Юрий па Анатолий Гришкинӑтн хӑншум хурӑт аӆьман вәсӑт. Ӆыв Сўмӑтвош (ин Нуви сӑӊхум) район Тўкъякӑӊ кәртӑн сєма питсӑт. Айтєӆн хурамӑӊ Вән Ас мўв сӑмӑӊа тӑйсӑт. Еӆӆы щи оӆӑӊӑн хурӑт хӑншсӑт. Ванӆтупсы ӆэщӑтум ёх нємасыя «Диалог с вечностью» нєм мӑсӑт – кашӑӊ хурн кӑӆ, муй щирн ӆыв сӑмӆаӆ ӆыпийн рәт мўвиеӆ тӑйсэӆ. Юрий па Анатолий – рәт яйӊӑн. Артём щикўш ищимӑщ ащи нєм Григорьевич тӑйс, тәп ӆўв ӆын пӑтана тәп ван рәта вәс. Ӆыв хуӆыева хӑнты Тўкъякӑӊ кәртӑн сєма питсӑт, кӑтӊӑн иса вәӆупсэӊӑн хўват щӑта вәсӊӑн. Аӆпа, щит пӑта ӆыв хурамӑӊ Вән Ас мўв, хўӆ па вой веӆпӑсӆӑты ёх, вәнт войт, тухӆӑӊ войт оӆӑӊӑн хурӑт хӑншсӑт. Материал на сайте https://khanty-yasang.ru/khanty-yasang/no-13-3697/22870 #ХантыМансиМир #ХантыЯсанг #статьиОРНГ #ТекстНаХантыйском