✒ Поӆнавӑт кәртӑн хўӆ веӆпӑсӆӑты ёх хӑтӆ постӑсы — 26 июля 2026 г. в 08:40:14.042
✒ Поӆнавӑт кәртӑн хўӆ веӆпӑсӆӑты ёх хӑтӆ постӑсы Тӑм оӆ хўӆ веӆпӑсӆӑты ёх є̈мӑӊхӑтӆ Нуви сӑӊхум районӑн ищи вєрӑнтсы. Касум, Поӆнавӑт, Ваньщавӑт кәртӑтн арсыр кӑсупсэт, ванӆтупсэт ӆэщтыйӆсыйт. Щит хўӆ веӆпӑс ёх па я̆ма хўӆ ня̆шты ёх є̈мӑӊхӑтӆ. Йистєӆн тӑм хўӆ веӆпӑсӆӑты мўв, колхоз вәӆум пурайн ёх така рәпитсӑт, хўӆ веӆты план вєрман. Ар я̆м вєрӑӊ па апрӑӊ хўӆ веӆпӑсӆӑты ёх вәс. Аса ки вантты, нюр ю̆х хопӑт нопӑтӆыйт. Там йисн па хўӊ вўты тӑхи ӆэщӑтман вәӆ. Хўӆ потӑӆтӑты пӑта вән потӑӆтӑты хушап, вєрсӑт. Общинайт па хўӆ веӆпӑсӆӑты хуятăт хўӆ веӆпӑсӆӑӆӑт. Тӑм хӑтӆ ай па вән ёх щи вєр әмща тӑйӆӑт, юхана я̆ӊхӆӑт, ӆәӆн ня̆шты, амтӑтӆяӆӑт, хуйтат мєт ар хўӆ па вән хўӆ ёша пӑвӑтӆӑт па юлн єпӆӑӊ хошум йиӊк кавӑртӆӑт. Є̈мӑӊхӑтӆ постӑты щирн Поӆнавӑт кәртӑн вошăӊ мир хӑрн ӑктӑщсӑт, ӆәӆн вантты, хуйтат хўӆ веӆпӑсӆӑты ёх эвӑӆт мєт пӑстэт па апрӑӊӑт, уяӊӑт па щи вєр вәтаӊ хуятӑт, ӆыв ия̆ха хоттєӆ ёхӆаӆ пиӆа я̆ма рўтьщӑты тӑм є̈мӑӊхӑтӆа йисӑт . Вәщ тыӆӑщ 11-мит хӑтӑӆн Поӆнавӑт кәртӑн кӑсты пӑта 50-кєм муӆтас хуят ӑктӑщсӑт. Ӑӆ рўтьщӑты щира ар мойӊ мир юхтыйӆсӑт, ӆыв пӑтэӆа тӑта кўлуп хотн рәпатнекӑт ванӆтупсы вєрӑнтсы, етнхотн вән хуятӑт па няврємӑт хурамӑӊ якӑт яксӑт, арӑт арисӑт, арсыр вәнӆтӑты хӑрӑт ӆэщӑтсӑт. Ирина Фирсова вошӑӊ мир пӑта вәнӆтӑты хӑрн ванӆтӑс, муй щирн рўщ акань «кукла на чурочке» вєрты. Материал на сайте https://khanty-yasang.ru/khanty-yasang/no-14-3698/22942 #ХантыМансиМир #ХантыЯсанг #статьиОРНГ #ТекстНаХантыйском