✒ Аӊкаӊкеӆ вєрӑнтты хуята вәс — 25 июля 2026 г. в 09:08:00.859
✒ Аӊкаӊкеӆ вєрӑнтты хуята вәс Сўмӑтвошн районной культура хотн вєрӑнтты хӑра увӑс мир ёнтӑсты нєӊӑт намтӑт ӆэщӑтты щира ӑктӑщийӆсӑт. Тӑта Марина Александровна Гоголева вәс па ма ӆўвеӆ инщӑссєм, хуӆща ӆўв юхтӑс, муй вєрман вәӆ. Марина Александровна мӑнєма путӑртӑс, хута сєма питӑс па єнмӑс. Ӆўв лупӑс: Ма Сўмӑтвошн 1965-мит оӆн сєма питсўм. Ма Пәкӑр кәртӑн єнумсўм. Ӑӊкєм – Нина Ильинична Миляхова – хӑнты хуят вәс. Ӆўв Пәкӑр кәртӑн фельдшера рәпитӑс. Ащєм па Александр Васильевич Ионин вәс. Ма вән яй тӑйсум, ӆўв ӑнтәма йис. Ӑӊкєм ма ая вәӆмєм пурайн ӑнтәма йис. Аӊкаӊкєм, Евдокия Григорьевна Миляхова, 1912-мит оӆн сєма питӑс, Пәкӑр кәртӑн вәс, вет няврєм тӑйс. 1979-мит оӆн вән йиӊк вәс. Пәкӑр кәртэв йиӊкӑн вўсы, щирн мўӊ Тэк кәрта вәӆты щира мӑнсўв. Ма щӑта ӑшколайн вәнӆтыйӆсўм. Хән ӆапӑт класс етшуптӑсум, еӆӆы Ёмвоша медицинской училищая вәнӆтыйӆты щира мӑнсум. Материал на сайте https://khanty-yasang.ru/khanty-yasang/no-14-3698/22940 #ХантыМансиМир #ХантыЯсанг #статьиОРНГ #ТекстНаХантыйском