✒ Акв ювле вос ёхталанувум
✒ Акв ювле вос ёхталанувум – Паща о̄лэ̄н! Ам намум Рома Сидоркин, а̄нумн лов та̄л ос ам Ханты-Мансийск ӯст о̄лэ̄гум. Ты туи ам омам ёт Урай ляпат о̄лнэ Силава па̄вылн ӯщлахтуӈкве ялсум. Тот о̄йттур э̄тпос 22 щисланыл 26 щисла мус ще̄мьяӈ ёт ӯщлахтын «Юртсил» нампа лагерь о̄лыс. А̄нумн тот такем мӯстыс! Тув щēмьят округ янытыл ёхталасыт, таима̄гыс ам Урай, Сургут ос Советский ӯсныл йильпи юртыт хо̄нтсум. Тот акваг хо̄талыӈ ос ре̄гыӈ хо̄талыт о̄лсыт, ма̄н Конда я̄т пувлысӯв. Лагерьт ма̄н ка̄сыӈ хо̄тал хотты ла̄тыӈ ёмщакв торгамтым ма̄ньщи ла̄тӈыл ханищтаслӯв. Тувыл лӯима̄ мирыт о̄щнэ касыланыл щирыл – тыи сун ӯлтта поргысӯв, хӯрум щёс э̄лаль порыгма̄лсӯв, ё̄рув уральтан ма̄гыс йӣво̄выл киттыг хартсӯв ос ё̄втыл ня̄л па̄хвтысӯв. Материал на сайте https://khanty-yasang.ru/luima-seripos/no-15-1369/23032 #ХантыМансиМир #ЛуимаСэрипос #статьиОРНГ #ТекстНаМансийском