✒Са̄в та̄лыт юи-па̄лт ōс тыг ёхталас — 22 августа 2026 г. в 12:38:02.859
✒Са̄в та̄лыт юи-па̄лт ōс тыг ёхталас Яныгпо̄ль э̄тпост Ханты-Мансийск ӯст «Форум национального единства» ва̄рмаль о̄лыс. То̄нт Марий Эл ма̄ныл ёхталам о̄йка Василий Петров ёт потыртасум. Тав ла̄выс, маныр ва̄ри, хо̄т о̄лы, ань э̄лаль ловиньтэ̄н. Марий Эл Республикат марийцыт ла̄тыӈ, пе̄с накыт ӯргалан ос э̄лаль тотнэ ма̄гыс общественный организация о̄лы. Та кол «Мари Ушем» нам о̄ньщи, рущ ла̄тӈыл «Союз Мари» ла̄ваве. Ты кол 2020 та̄л порат рӯпитаӈкве патыс. Пе̄с порат са̄в та̄л мо̄т акв тамле кол о̄лыс, та колнаке ань воссыг ат рӯпиты. Лильпи ка̄ркам хо̄тпат ты тэ̄лан вуйхатсыт, тувыл аквъёт юртыӈыщ рӯпитаӈкв о̄вылтахтасыт. Материал на сайте https://khanty-yasang.ru/luima-seripos/no-15-1369/23041 #ХантыМансиМир #ЛуимаСэрипос #статьиОРНГ #ТекстНаМансийском