✒ Ма ёхӆам амамӑтщет
✒ Ма ёхӆам амамӑтщет Тӑмхӑтӆ ма йисӑӊа-нәптӑӊа ю̆вум ӑӊкєм имия шәӊта Татьяна Николаевна Еновая (Шульгиная) тӑта нух хӑншты амамӑтщет ю̆кантӆаӆам. Вантэ, тӑмӑщ ай әмӑщ путӑр шәпиет ма тәп ӆўв унтасӑӆн арсыр хӑнтэт хәӆӑнтты-ӆўӊӑтты щирӑта тӑм айкеӆӑӊ нєпека тәса хӑншӆум. Катра ӑӊкєм шәӊӑт Мўвхот кәртӑн Вуӆаӊ ӆаӆь еӆпийн сєма питӑс па айтєӆн щи кәртӑн єнмӑс. Ӛхӑт ӆавӑртӑӊ ӆаӆь оӆӑтн па щи ю̆пийн ӆапӑтмит классӑӆ вўш вәнты Асов кәртӑӊ ӑшкола-интернатн еӆӆы вәнӆтыӆӑс. Щӑӆта 1953-мит оӆн хўӆ вўты нєӊа Пуӆӊавӑт вошн па еӆӆы вәнӆтӑты вєрӑӆ етшуптӑсӆэ. Щи ю̆пийн хӑнты кәртӑтн хўӆ вўты лашкопӑтн рәпитӑс. Ищи пураитн рўщ ясӑӊ муй нєпекӑтн ӑн хошты хәйт-нєӊӑт я̆мсыева па вещката вәнӆтуман вуӆкємӑс. Ӆўв ӛрӑӆ-щомӑӆ унтасн я̆мкєм арат хӑнты кўшкєпа ёш пос пунты щирӑт катра тәса мущатсӑт. Материал на сайте https://khanty-yasang.ru/khanty-yasang/no-20-3704/23446 #ХантыМансиМир #ХантыЯсанг #статьиОРНГ #ТекстНаХантыйском