Хатырык оскуолатын үөрэнээччилэрэ Хаҥалас улууһугар «Сындыыс» десант чэрчитинэн сырыттылар — 1 апреля 2026 г. в 03:32:26.785
Хатырык оскуолатын үөрэнээччилэрэ Хаҥалас улууһугар «Сындыыс» десант чэрчитинэн сырыттылар Кулун тутар 27-28 күннэригэр Хатырык оскуолатын 8-11 кылаастара үгэс буолбут «Сындыыс» хайыһар десантыгар сырыттылар. Программа олус интэриэһинэй уонна ситэри буолла: ⛷️Оҕолор бастаан Хаҥалас улууһун устун экскурсиялаан, Николаев-киин библиотеката хайдах үлэлиирин көрдүлэр. ⛷️Булгунньахтаах орто оскуолатын үөрэнээччилэрин кытта көрсүһүү буолла. Онно биһиги оҕолорбут десант сыалын-соругун кэпсээтилэр, Максим Кирович Аммосов олоҕун уонна үлэтин сырдаттылар. Күннэрэ волейбол күрэҕинэн уонна доҕордоһуу киэһэтинэн түмүктэннэ. ⛷️Иккис күн. Оҕолор Өлүөнэ өрүһүнэн хайыһарынан айаннаан, аатырбыт Өлүөнэ очуостарыгар дабайдылар. Тэрээһин оҕолору түмэр, патриотическай тыыннаах уонна чөл олоҕу көҕүлүүр сыаллаах ыытылынна.