Осраштырҙы, күрештерҙе тыуған яҡ. Тыуып үҫеп, т...
Осраштырҙы, күрештерҙе тыуған яҡ. Тыуып үҫеп, тәпәй баҫҡан атай йортонан, ялан аяҡ йүгереп йөрөгән һуҡмаҡтарҙан ҡәҙерлерәк ер юҡтыр. Яҙмыш ҡушыуы буйынса төрлө тарафтарға таралып, сит-яҡтарҙа донъя ҡорорға, төпләнергә тура килһә лә барыбер күңел тыуған йортто һағына, тыуған ергә тартыла. Йәй - ҡыҙыу эш мәле булһа ла, халҡыбыҙ эшкә лә, байрам-осрашыуҙарға ла ваҡыт табып, ауылдаштарҙы, ситтә йәшәүсе яҡташтарҙы атай йортона йыя. Матур тәбиғәт ҡосағында, Быҙаулыҡ йылғаһы буйында урынлашҡан, данлыҡлы шәхестәре, уңған халҡы менән танылған йәмле Быҙаулыҡ ауылы үткән шәмбелә ауылдаштарын, ситтә йәшәүсе яҡташтарын “Һаумыһығыҙ, ауылдаштар!” байрамына йыйҙы, изге йәнтөйәген һағынып ҡайтыусыларға тыуған ерен тағы бер тапҡыр ҡайтып күреү, туғандар, яҡындар менән аралашыу бәхете тейҙе.