[10.06, 11:16] Надюшка доча: ☀️ «ОҺУОХАЙ — АЙЫЫ ҮҤКҮҮТЭ» күрэх! ☀️ — 14 июня 2026 г. в 01:56:19.111

[10.06, 11:16] Надюшка доча: ☀️ «ОҺУОХАЙ — АЙЫЫ ҮҤКҮҮТЭ» күрэх! ☀️ Хомустаах нэһилиэгин Үрүҥ Тунах Ыһыаҕын чэрчитинэн, биир дойдулаахпыт, аатырбыт оһуохайдьыт Андрей Титович Титаров 110 сааһыгар анаммыт былыргылыы уһун тыыннаах оһуохайдьыттар күрэхтэрин балаһыанньата: 🎯 Күрэх сыала-соруга: Оһуохайы — саха ытык Айыы үҥкүүтүн быһыытынан эдэр ыччакка пропагандалааһын уонна тиэрдии.Төрөөбүт тылы, өбүгэ сиэрдээх үгэһин сыаналааһын, ыччаты сахалыы күүстээх тыыҥҥа иитии.Былыргылыы ураты матыыптаах, уһун тыыннаах бастыҥ оһуохайдьыттары арыйыы. 📅 Буолар күнэ: Бэс ыйын 21 👤 Кыттааччылар: 18 сааһыттан үөһээ саастаахтар (эдэр ыччат кыттыыта күүскэ өйөнөр!). 📝 Күрэх ирдэбилэ: Былыргылыы Айыы үҥкүүтүн сиэрин-туомун тутуһан, уһун тыынынан, тыл хоһооно уонна матыыба уратытык этиллэн оһуохайдыахха наада. Сахалыы мааны таҥас-сап ирдэниллэр.🏆 Наҕараадалааһын: Кыайыылаахтарга сыаналаах бириистэр уонна добун суруктар туттарыллыахтара!✨ Ытык Айыы үҥкүүтүн уруйдуу, уһун тыыннаах оһуохай түһүлгэтин киэргэтэ кэлэн кыттыҥ! [10.06, 11:19] Надюшка доча: ✊ ЭР ХОҺУУН — 2026! ✊ Аҕа дойду улуу сэриитин кыттыылааҕа, олонхоһут, оһуохайдьыт биир дойдулаахпыт Андрей Титович Титаров 110 сааһыгар анаммыт Хомустаах нэһилиэгин Урдук Тунах Ыһыаҕын чэрчитинэн ыытыллар эр дьон күрэхтэһиитин балаһыанньата: 🎯 Күрэх сыала-соруга:Саха төрүт спорт көрүҥнэрин уонна өбүгэ үгэстэрин эдэр ыччакка пропагандалааһын.Ыччаты бэйэ уолаттарыгар, хоодуот бухатыырдарыгар олоҕуран сахалыы күүстээх тыыҥҥа, тулуурдаах буолууга иитии.Күүстээхтэр уонна сымсалар ортолоругар бастыҥнары арыйыы, чөл олоҕу сырдатыы. 📅 Буолар күнэ: Бэс ыйын 21 күнэ 👤 Кыттааччылар: 18 сааһыттан үөһээ саастаах эр дьон. 🏆 Күрэх көрүҥнэрэ: 1️⃣ Бэйэни билиһиннэрии 2️⃣ Тутум эргиир 3️⃣ Өһөс торбос 4️⃣ Хапсаҕай 5️⃣ Мас тардыһыы 6️⃣ 3•3 (үс төгүл үс / быа тардыһыыта) 7️⃣ Сүүрүү 8️⃣ Таас көтөҕүүтэ 💪 Күүстээхтэр, сымсалар, хоодуоттар кыттыҥ, кэлэн көрүҥ, ыалдьыҥ! [10.06, 11:22] Надюшка доча: 🎵 «АЛААС ТОЙУГА» күрэх! Хомустаах нэһилиэгин Үрүҥ Тунах Ыһыаҕын чэрчитинэн, биир дойдулаахпыт Андрей Титович Титаров 110 сааһыгар анаммыт тойуксуттар күрэхтэрин балаһыанньата: 🎯 Күрэх сыала-соруга:Эдэр ыччакка сахалыы тойугу пропагандалааһын.Төрүүбүт тылга, култуураҕа уонна сиэрдээх үгэскэ олоҕуран, ыччаты сахалыы тыыҥҥа иитии.Саҥа талааннары арыйыы, уран тыллаах тойуксуттары өйөөһүн. 📅 Буолар күнэ: Бэс ыйын 21 күнэ 👤 Кыттааччылар: 18 сааһыттан үөһээ саастаахтар (эдэр ыччат күүскэ кыттаарга ыҥырыллар!). 🎤 Күрэх усулуобуйата (2 түһүмэҕинэн ыытыллар): 1️⃣ 1 түһүмэх: Көҥүл темаҕа тойук толоруу. 2️⃣ 2 түһүмэх: Талан ылбыт теманан тойук толоруу (Андрей Титаров олоҕо, айар үлэтэ эбэтэр төрөөбүт дойду, айылҕа). 👗 Ирдэбил: Сахалыы мааны таҥас-сап. 💰 Кыттыы төлөбүрэ (усунуос): 500 солкуобай. ⛺ Тэрээһин боппуруостара: Кыттааччы аһыыр аһын, хонор-түһэр сирин бэйэтэ уйунар. 🏆 Наҕараадалааһын: Кыайыылаахтарга сыаналаах бириистэр уонна добун суруктар туттарыллыахтара!📝 Сайаапкалары биэриҥ:📞 8 (962) 739-19-05 нүөмэргэ (Ватсап). ✨ Кэлэн кыттыҥ, кэрэ куоласкытынан уонна уран тылгытынан ыһыах түһүлгэтин киэргэтиҥ!