Бажыңывыс бузар деп негелде киирипкен- деп муңгарап келген, болчукчунуң бүзүрекчизи Аля... — 23 июня 2026 г. в 10:15:40.836
Бажыңывыс бузар деп негелде киирипкен- деп муңгарап келген, болчукчунуң бүзүрекчизи Аляна Секпит-ооловнаның өг-бүлезиниң болуушкунунуң уламчызын үндүрдүвүс. Росреестрге эргезин үезинде кылдыртып албаанының түңнелинде, документилиг кижи тыптып келгеш, чизелеткен хуу эргезин ажыглап, черин хостаар болгаш бажыңын бузар деп негелде киирген турган. Аңаа бис удур иск киирип, бажыңга хуу эргезин илередип хүлээп бээрин негээн турган бис. Бирги чада суду биске ойталааш, бажыңны бузар, черни хостаар деп удурланыр таланың искизин хандырган шиитпир үндүрген. Дээди суд апелляция чадазынга ол шиитпирни солаан, ол талага ойталааш, а бистиң негелдевис долузу-биле хандырган. Амгы үеле чөрүлдээ төнмээн, биске уттурган тала кассация чадазынче хомудал киирген. Бирги чада судунга эки белеткенип, өргүүделдер, барымдааларны шын киирип каан турганындан, дараазында суд чадазынга чедиишкинниг болурун сагындырайн. Адвокат @AldynmaiS Бажыңның айтырыы шиитпирлеттине берзе-даа, черниң документизи хевээр билдинмес, Росреестрде удурланган таланың хуу эргезинге хевээр турган. Ооң соонда база бир аңгы иск кииргеш, ол кижиниң хуу эргезин маргышкаш тиилеп үндүвүс. Ооң эргезин реестрден уштур деп шиитпир үнген. Ам күш кирер, хомудаар чадада мындыг. Шимчевес өнчүге хамаарышкан айтырыглар нарын, таварылгалар аңгы-аңгы болур. Ынчангаш айтырыг бар болза, сүме алырын черле соңгаарлатпас болза эки дээрзин кажан-даа утпаңар, ынчан өнчүңер-даа, үеңер-даа камнап алыр силер. Эрге-хоойлу талазынче билиивисти бистиң-биле бедидээли! Юридиктиг канал «Хоойлу» билиглерин бедидеринче, бурунгаар көрүштү болгаш тыва дылды камгалаар база сайзырадырынче угланган. Бистиң үзел-бодалывыска катчып, каналывысче кирип бижиттирип алырынче чаладывыс!