Болчукчу ажылымга улустуң эгелевейн чыткаш-ла, дүжүп берип эгелээн чугааларын бо-ла дың... — 29 августа 2026 г. в 08:00:29.469
Болчукчу ажылымга улустуң эгелевейн чыткаш-ла, дүжүп берип эгелээн чугааларын бо-ла дыңнай бээр мен. Кижи бүрүзүнүң иштинде тиилекчи бар. Ол: Бодунуң четпестерин билир. Бодунуң частырыгларын миннир. Бодунга таарзынмайн болур. Ынчалза-даа бодунуң дугайында канчаар чугааланырының ылгалы улуг: ⛔️“Чоруу чогувас кижи-дир мен” дээриниң орнунга: ✅“Мен частырыг кылып алдым”; ⛔️“Чүү-даа кылып билбес мен” - ✅“Амдыызында билбес мен”; ⛔️“Кошкак мен” – ✅“Бөгүн арай кошкак болдум”. ☝️Бирээзи шиидип турар, а өскези өскерлип болурун кордап турар. Ынчангаш, бодуңнуң дугайында багай чугааланма. Ылаңгыя берге үелерде. Даштыкы делегей сени шенээри четтиге бээр. Иштиңден бодуңну үреп, аңаа дузалашкан ажыы чок. Бодуңнуң дугайында багай чугаалава. Иштиңде тиилекчиң дыңнап каар. ❓Силер чүү деп бодаар силер? Шын бе? 📍Юридиктиг канал «Хоойлу» билиглерин бедидеринче, бурунгаар көрүштү болгаш тыва дылды камгалаар база сайзырадырынче угланган. Бистиң үзел-бодалывыска катчып, каналывысче кирип бижиттирип алырынче чаладывыс @khooilu #бурунгааркөрүшхоойлу