Молитва преподобной Евфросинии Суздальской — 28 сентября 2026 г. в 13:35:00.527
Молитва преподобной Евфросинии Суздальской К ней обращаются о защите дома и города от бедствий, об укреплении в вере среди искушений, о даровании чистоты и целомудрия, об исцелении душевных и телесных болезней. О, преславная мати, скорая наша помощнице и заступнице и неусыпная о нас молитвеннице! Предстояще иконе твоей и на сию со умилением, яко живей ти сущей, взирающе, молимся тебе усердно: приими прошения наша и принеси я ко Престолу Милосердаго Отца Небеснаго, яко дерзновение многое к Нему имущая. Испроси притекающим к тебе и всем православным христианом вечное спасение и временное благоденствие, на вся же благая дела и начинания наша щедрое благословение и от всяких бед и скорбей скорое избавление. Ей, чадолюбивая мати наша! Тебе, предстоящей Престолу Божию, ведомы суть нужды наша духовныя и житейския: призри на ня матерним оком и твоими молитвами вся злая от нас отврати, паче же злых и богопротивных обычаев умножение. Утверди же во всех веры согласное ведение, взаимную любовь и единомыслие, да во всем житии нашем, словесы же и писании и делы, славится всесвятое имя Отца и Сына и Святаго Духа, Единаго Бога, в Троице покланяемаго, Емуже честь и слава во веки веков. Аминь. Молитвами преподобной Евфросинии Суздальской, Господи, помилуй нас. 🙏 Фото: «Владимирская епархия» «Православный журнал Фома»