Борын өчен сәнгать бармы? — 10 июня 2026 г. в 13:05:19.907
Борын өчен сәнгать бармы? Ә затлы парфюм?.. Белмим... Хушбуй исеннән уйланмыйм, тетрәп еламыйм, көлмим... Чын сәнгать уйлар уята, уйларны хискә төрә, йөрәккә дәрт урнаштыра, яшәүгә ямь, көч бирә! Булырга тиеш!.. Булмаса – ул тиеш табылырга... Эзләнергә кирәк яки гениаль абынырга, яки Архимед шикелле, ваннага су тутырып, ташып чыкканын үлчәргә, шунда кереп утырып, тәкенергә «Эврика!» дип кычкыртырлык юк-барга, я Ньютон күк, алмагач ышыгында йокларга!.. Ул чорда «төсле музыка» белән җенләнеп алдык. Бу шаукымны студентларга Булат Галеев салды – минем институтташым, математик һәм лирик... Теге уй, ахры, күңелгә шул чакта калды кереп... Бераздан «борын сәнгатен» җиңде төсле музыка. Ләкин миндә алар исән, һаман алгы сызыкта. Ренат Харисның «Төсле музыка» поэмасын монда укы