Молитва святому праведному Иоанну Домовскому
Молитва святому праведному Иоанну Домовскому О, святый праведный отче наш Иоанне, Ростовский пресвитере и страстотерпче Христов! К тебе, угоднику Божию, прилежно ныне молимся. Ты в земном житии твоём верно послужил еси Господу и стаду Его, пастырь добрый быв, и даже до крови за Христа пострадал еси. Не забуди убо нас, недостойных чад твоих, но ходатайствуй пред Престолом Всевышняго о всем мире, о Церкви Православней и о стране нашей. Умоли Господа Бога и Спаса нашего Иисуса Христа, да укрепит Он нас в святей Православней вере, да не попусти́т нам впасть в малодушие и уныние в скорбех и напастех жития сего. Моли Его, святче Божий, о пастырех Церкве Святыя, да верно и нелицемерно пасут они стадо Христово. Моли и о всех людех верных, да сохранит их Господь от всякия скверны телесныя и душевныя. Ты ведаеши, како тяжко есть исповедати Христа пред мучители, темже не остави нас в борениях наших, но буди нам стена необорима и покров невидим от всех враг видимых и невидимых. Да не посрамит нас Господь в день Страшнаго Суда Своего, но да сподобит нас Царствия Небеснаго, еже уготовал Он всем любящим Его. Аминь.