Рәсәй халыҡтарының берҙәмлеге йылы һәм Башҡортостан Республикаһында ҙур һәм татыу ғаилә...
Рәсәй халыҡтарының берҙәмлеге йылы һәм Башҡортостан Республикаһында ҙур һәм татыу ғаилә йылы сиктәрендә 51-се башҡорт балалар баҡсаһында «Тамырын тойған ағас ҡына үҫә, тамырһыҙ — ҡорой» исемле Шәжәрә байрамы үтте. Шәжәрә байрамы — башҡорт халҡының үҙ тарихын, нәҫел-нәсәбен, туғанлыҡ ептәрен тергеҙеүгә һәм һаҡлауға йүнәлтелгән милли байрам. Сараның төп маҡсаты — ғаилә ҡиммәттәрен нығытыу, өлкәндәрҙе хөрмәтләү һәм йәш быуынға үҙ тамырҙарын белергә өйрәтеү. Был сарала Киров районының өлгөлө йәш ғаиләләре Ғүмәровтар һәм Мирхәйҙәровтар һынау тотто. Улар үҙҙәренең тамға, нәҫел ағасын (шәжәрәһен) күрһәттеләр, ете быуынға тиклем ата-бабалар исеме, уларҙың шөғөлө, билдәле шәхестәр һәм ырыу тарихын һөйләнеләр. Ғүмәровтар ғаиләһе «Урал батыр» эпосына күберәк өҫтөнлөк биргәндәр. Йәнбирҙе ҡарт, Йәнбикә ҡарсыҡ, Шүлгән һәм Урал батыр, Һомай образдары сәхнәлләштерелде. Мирхәйҙәровтар ғаиләһе үҙҙәренең ҡул эштәре менән таныштырҙылар, милли аш-һыу менән жюрины таң ҡалдрыҙы. Мирхәйҙәровтарға ярҙамға Әбйәлилдән дәртле өләсәйҙәре лә килеп еткән. Төрлө марафондарҙа әүҙем ҡатнаша — Әбйәлил селтәрҙәрен, ҡашмау, хәситә, ейәнсәрҙәренә сәсүргес, маңлайсалар эшләй. Халыҡ-ара марафондарҙа ҡатнашып призлы урындар яулай. Шәжәрә — ғаиләнең, ырыуҙың бөтөнлөгөн һәм дауамын күрһәткән изге ҡомартҡы һанала. Был байрам йәштәрҙә үҙ халҡына, тыуған еренә һөйөү тәрбиәләй. Ғаиләләр татыу, берҙәм булһын!