🌳Көҕөрдүү субуотунньуга
🌳Көҕөрдүү субуотунньуга Балаҕан ыйын 17 күнүгэр оройуон киинигэр көҕөрдүү үлэтигэр субуотунньук ыытылынна. Манна Муома алын сүһүөх оскуолатын, баһаарынай чаас, коммунальнай хаһаайыстыба, суол оҥорор тэрилтэ, олохтоох уонна оройуоннааҕы дьаһалталар, редакция, айылҕа харыстабылын үлэһиттэрэ көхтөөхтүк тахсан үнүгэстэри киллэрдилэр. Быйыл маһы палисадниктар туолан туралларынан нэһилиэк дьаһалтата уопсай дьиэлэр диэки олорто. Инникитин ууну тардыа диэн сыаллаах талах мастар киллэрилиннилэр. Сылын аайы ыытыллар анал акцияҕа кыттар тэрилтэлэргэ олохтоох дьаһалта махтанар. Тапталлаах Хонуубут киэркэйэ тупсарыгар хас биирдии киһи кыттыһара тоҕоостоох. Бу мастары туһааннаах дьиэлэр дьонноро инникитин көрө-истэ сырытталлар бэрт буолуо этэ. @indigir_uottara