🍂🍁 Көмүс күһүнү уруйдаан
🍂🍁 Көмүс күһүнү уруйдаан Ааспыт нэдиэлэ Төбүлэх нэһилиэгэр көмүс күһүнү уруйдааһыҥҥа ананна. Ол курдук, балаҕан ыйын 7 күнүгэр "Золотой кадр" диэн көмүскэ сууламмыт күһүҥҥү айылҕаны хаартысканан дьүһүйүүгэ конкурс ыытылынна. Манна саамай интэриэһинэй устуулаах Слепцова Зинаида Иннокентьевна видеоролига бастыҥынан сыаналанна. Маны таһынан Северина Кудрина, Людмила Стручкова уонна 5 кылаас үөрэнээччилэрин (Старкова У. Н.) үлэлэрэ жюри сэҥээриитин ыллылар. Сарсыныгар ыытыллыбыт "Мост между культурами" КВИЗ оҕолор интэриэстэрин тарта. Манна 5 кылаас үөрэнээччилэрэ кыайдылар, иккис 6-тар буоллулар, 7 кылаастар үһүстээтилэр. Балаҕан ыйын 9 күнүгэр биир дойдулаахпыт Ирина Никулина кылтан араас оҥоһуктары айыыга маастар кылаас ыытта. Ирина Михайловна бэйэтин айар үлэтин билиһиннэрдэ, маны таһынан кэлбит дьоҥҥо тымырдаайы оҥорорго үөрэттэ. Дьон өбүгэлэрин үгэстэринэн иистэнэр, айар-тутар биир дойдулаахтарынан киэҥ тутта сэҥээрдилэр. Сарсыҥҥытыгар нэһилиэк олохтоохторун волейбол сытыы оонньуулара түмтэ. Балаҕан ыйын 12 күнүгэр ыытыллыбыт тэрээһиннэри түмүктүүр дьоро киэһэ - Күһүҥҥү Дьаарбаҥка тэрилиннэ. Төһө да ыраах олордоллор төбүлэхтэр бэрт сэргэхтик иллэҥ кэмнэрин атаараллар. @indigir_uottara