🍁🍂 Күһүҥҥү киһи күлбүтүнэн
🍁🍂 Күһүҥҥү киһи күлбүтүнэн Бүгүн халлааммыт күнүн сайыҥҥылыы чаҕылыччы тыктаран барыбытын да үөртэ. Маннык сылаас күн Муома алын сүһүөх оскуолатын коллектива сылын аайы ыытыллар "Көмүс күһүн барахсан " атыы-дьаарбаҥканы тэрийэн ыытта. Манна хас биирдии кылаас көмүс күһүнү уруйдаан ким тугу сатыырынан атыылыыр муннуктарын киэргэппиттэрэ дьон сэҥээриитин ыллылар. Быйыл төһө да ардахтаах сайын буоллар төрөппүттэр оҕуруот аһын арааһын олордубуттар. Урут сэдэхтик үүннэриллэр арбуз манна дэлэччи тардыллыбыт. Оҕуруот аһын сэргэ айылҕабыт бэлэхтэрэ: араас отон, кус-балык хас кылаас аайы баар. Ийэлэр сүрэхтэрин сылааһын биэрэн туран буһарбыт бурдук астара атыыга хамаҕатык барда. Быйылгы дьаарбаҥкаҕа төрөппүттэр, оҕолор национальнай көстүүмнэри кэппиттэрэ сонуннук көһүннэ. Күммүт чаҕылыччы тыган күһүҥҥү бырааһынньыгы олус киэргэттэ. @indigir_uottara