🧸🪆🪅 Бэҕэһээ "Осикат" этно-култуура Киинигэр оройуон киинин уһуйааннарын үлэһиттэрэ и...
🧸🪆🪅 Бэҕэһээ "Осикат" этно-култуура Киинигэр оройуон киинин уһуйааннарын үлэһиттэрэ идэлээх күннэрин бэлиэтээтилэр 🎇 🧸🪆🪅 Тэрээһин үөрүүлээх чааһыгар оройуон аҕа баһылыга Дмитрий Аммосов үтүө сүрэхтээх, сырдык санаалаах, оҕону кытта үлэлиир идэлээх дьону истиҥник эҕэрдэлээн туран Бочуотунай Грамоталары туттарда. Оройуоннааҕы үөрэҕирии үлэһиттэрин идэлээх сойуустарын бэрэссэдээтэлэ Айталина Эверстова үбүлүөйдээх үлэһиттэри өр сыллаах идэҕэ бэриниилээх үлэлэрин иһин махтанан Бочуотунай Грамоталары уонна бэлэхтэри туттарда. 🧸🪆🪅 Быйылгы 2026 сыл Арассыыйаҕа "Год дошкольного образования" биллэриллибитэ. Бу бэлиэ сылынан оройуоннааҕы үөрэҕирии салаатын начальнига Айталина Крупышева хас биирдии үлэһиккэ дириҥник махтанан Махтал суруктары, бэлэхтэри туттарбытын мустубут дьон дохсун ытыс тыаһынан доҕуһуоллаатылар. 🧸🪆 Бырааһынньыгы Прасковья Горохова, Василий Аммосов иилээн-саҕалаан ыыттылар. Уһуйаан үлэһиттэрэ бу киэһэ бэйэлэрэ оҕо буолан оонньоон, ыллаан-туойан, үҥкүүлээн көрү-нары көҕүлүттэн туттулар. @indigir_uottara