💠 Алтынньы 1 күнүгэр Муома алын сүһүөх оскуолата Сааһырбыттар күннэринэн аҕам саастаах... — 1 октября 2026 г. в 06:52:10.599
💠 Алтынньы 1 күнүгэр Муома алын сүһүөх оскуолата Сааһырбыттар күннэринэн аҕам саастаах дьону , тыыл , үлэ бэтэрээннэрин истиҥник эҕэрдэлээтэ . Оскуола музейын иһинэн ыытыллар "Доброе дело" акция чэрчитинэн бары кылаастар үөрэнээччилэрэ ытык дьоҥҥо анаан сэмэй кэһиилэрин дьиэлэринэн сылдьан туттардылар . Оҕолор үтүөнү түстээннэр кырдьаҕастар махталларын ыллылар . Оҕолорбут сэмэй бэлэхтэрин бэлэмнэспит төрөппүттэргэ өйөбүллэрин иһин барҕа махтал тиэрдэбит. Куруук да итинник оскуола ыытар тэрээһиннэригэр көхтөөхтүк кыттыахтара диэн эрэнэбит . Маны таһынан бары кылаастарга кылаас чаастара ыытыллан, оҕолор эбээлэрин , эһээлэрин эҕэрдэлээтилэр . Онон Муома алын сүһүөх оскуолата аҕам саастаах дьоҥҥо анаабыт тэрээһинэ бэрт кэрэхсэбиллэхтик ааста. ✍🏻 Слепцова Антонина Яковлевна. @indigir_uottara