🎯🎱 Чөл олохтоох төбүлэхтэр
🎯🎱 Чөл олохтоох төбүлэхтэр Төбүлэх нэһилиэгэ төһө да чөкө нэһилиэнньэлээх буоллар манна олох оргуйан олорор. Ол курдук, Саха сиригэр Ийэлэр күннэрин бэлиэтээн бөһүөлэк кэрэ аҥаардара "Дьахталлар спортивнай лигалара" диэн Спартакиадаҕа күөн көрүстүлэр. Манна дьахталлар "Быстрый куб", скакалкаҕа ыстаныы, "Дартс", "Уличный бильярд", "Корнхолл" көрүҥнэргэ күрэхтэстилэр. Хамаандалар састааптарыгар 60 ааспыт 2 кыттааччы, 40 туолбут 3 кыттааччы, 18 сааһын ааспыт 2 кыттааччы киирэн күүстэрин холоннулар. Күрэхтэһии олус көхтөөхтүк ааста. Кыттааччылар бары да кыһанан туран күрэхтэстилэр. Көрүҥнэринэн эттэххэ, Дартска Ангелина Старкова 104 очко ылан, скакалкаҕа Айталина Васильева биир мүнүүтэҕэ 124-тэ ойон, Корнхоллга Наталья Соркомова үстэ хайаҕаска түһэрэн 9 очко ылан, уулусса биллиардыгар Валентина Попова 15 очко ылан, түргэн кубка Алия Колесова 37 сөкүүндэ иһигэр хомуйан кыайыылаахтарынан таҕыстылар. Түмүккэ, Евгения Герасимова хапытааннаах "Күбэйэ" хамаанда бастаата. Иккис миэстэҕэ Ульяна Старкова "Кэрэл" хамаандата таҕыста. Ангелина Старкова "Хотууна" хамаандата үһүс буолла. Ити курдук төбүлэхтэр чөл олоҕу өрө тутан олороллор, үлэлииллэр. 🗣️Сонунун Людмила Стручкова үллэһиннэ. @indigir_uottara
Канал в каталоге Максиметера
159 подписчиков · Новости