Менә-менә башаклар өлгерер дә, тиздән урып-җыюга керешербез дип йөргәндә, икмәгеңне сак... — 4 сентября 2026 г. в 11:58:01.755
Менә-менә башаклар өлгерер дә, тиздән урып-җыюга керешербез дип йөргәндә, икмәгеңне саклар урыннан мәхрүм итсеннәр әле! Гарьләнеп үләрсең! Яңа Кәшер игенчеләренең җиде ел буе кулланган амбар бинасыннан коры калуы турында узган елда «Интертат»та язып чыккан идек. Әлмәтнең Яңа Кәшер авылында яшәүче Шаһалиевлар быел икмәкләрен кертеп салырга яңа амбар булдырганнар «Язын безгә ярдәм итмәгәннәрен күрәм бит инде, шуңа үзебезгә склад төзергә уйладык. Үзебезнең туганнар, балалар, оныклар һәм пайчылар берләшеп, шулай 36 метрга 12 метр зурлыкта склад төзелешенә тотындык. 11 май көнне беренче балчыкларын ташыдык. Эчен тигезләп, ком алып кайтып салдык, асфальт җәйдердек. Нинди генә авырлыклар килүгә карамастан, югалып калмадык, бирешмәдек, елап утырмадык, үзебезгә амбар салдык та кердек.»