Муса Җәлил турында фантастик комиксның сигезенче сериясе дөнья күрде.
Муса Җәлил турында фантастик комиксның сигезенче сериясе дөнья күрде. Яңа сериядә вакыйгалар ике чорда бара. Сугышка кайткан Муса немец гаскәрләре чолганышында калган совет сугышчыларына юлыга. Чолганыштан чыгарга тырышканда ул яралана һәм әсирлеккә эләгә. Киләчәк архивларында укыган язмышы хәзер аның күз алдында чынбарлыкка әверелә. Әсирлектә Муса тагын бер сынау алдында кала. Немец командованиесе татар әсирләрен «Идел-Урал» легионына җәлеп итәргә тырыша. Моның өчен туган телдә алып барылган пропаганда да кулланыла. Журналист һәм шагыйрь Муса Җәлилгә башка лагерьлардагы әсирләр белән очрашу мөмкинлеге ачыла. Бер караганда, бу — дошманга хезмәт итү. Әмма әлеге мөмкинлекне яшерен көрәш өчен файдаланып буламы? Муса алдында куркыныч һәм катлаулы юл тора. УКУ ӨЧЕН СЫЛТАМАГА БАС Интертат МАХта
Канал в каталоге Максиметера
4 980 подписчиков · Новости