Яр Чаллыда яшәп иҗат иткән җырчы, автор-башкаручы Наил Әзһәмов вафат булды 😔 Аңа 50 яш... — 20 мая 2026 г. в 14:13:14.616
Яр Чаллыда яшәп иҗат иткән җырчы, автор-башкаручы Наил Әзһәмов вафат булды 😔 Аңа 50 яшь иде... Татарстанның атказанган артисты Нурзадә: «Наил дускаем… ышанасы килми бу хәбәргә. Соңгы күрешү декабрьдә булыр дип кем уйлаган. Рәнҗеп ятма, дускаем… Планнарыбыз да бар иде бит. Кая киттең син шулай яшьләй…» — дип тирән кайгысын уртаклашты. Наил Наһис улы шигырьләр дә иҗат итә иде. Ул аларны үзенең «ВКонтакте» сәхифәсендә урнаштырып барды. Соңгы язмаларының берсендә мондый юллар бар: *** Ак кар күмде эзләреңне... Миннән алып киткән сукмакларны Басты буран... Җилләр өзде сүзләреңне... Сиңа булган кайнар хисләр Инде томан... Боз астында калды сөю, Күпме генә җылытсам да, өреп, Сулыш җитмәс... Йөрәгемдә бары нәфрәт, көю Мәңге утмәс... Язлар килер , карлар әрер... Миннән киткән юлларыңа хәтфә үлән Салыр келәм. Тик гөлләрем чәчәк атмас, Тамырларын суык телгән. 27.02.2026 ✍🏼 Аның якты истәлеге, җырлары һәм иҗаты күңелләребездә озак сакланыр. Урыны җәннәттә булсын 🕊️