Гөлүсә Шаһбанның яңа иҗат җимеше — «Сиңа!» шигыре 🖋️ — 6 июля 2026 г. в 17:12:49.683
Гөлүсә Шаһбанның яңа иҗат җимеше — «Сиңа!» шигыре 🖋️ Ир-ат колагына бер сүз! Яратасың икән ярат, соклан, Хисләрең ташысын, түгелсен... Тик онытма: гүзәл затка гашыйк Бары тик син генә түгелсең! Газапланмый ярат, ул чәчкәне Түшләреңә кадый алмасаң! Аңла: сөю сөю була алмыйдыр ул, Сагыш утларында янмасаң! Җиңелсәң дә, мин җиңелдем, димә, Каршы атла тормыш җилләренә! Газап сөю генә берни түгел Ир-атларның көчле иңнәренә! Җылы сүзләр җанга дәва түгел, Җанга дәва – вакыт агышы. Җырларына күчте йөрәгеңнең Мәңге үтмәс сөю сагышы! Яратасың икән ярат, соклан, Иңнәремә генә сарылма! Йөрәктәге иң саф хисләргә син Ялган сүзләр белән кагылма! Югалгансың икән югал бөтенләйгә, Беркайчан да башка табылма!
565 просмотров