🎉 Шатлыклы хәбәр! Татарстанның халык артисты, легендар җырчы Фердинанд Сәлаховка Росси... — 17 июля 2026 г. в 13:41:57.221
🎉 Шатлыклы хәбәр! Татарстанның халык артисты, легендар җырчы Фердинанд Сәлаховка Россиянең атказанган артисты исеме бирелде. Тиешле указга Россия Президенты Владимир Путин кул куйган. Фердинанд Сәлахов — татар җыр сәнгатенең иң күренекле вәкилләренең берсе. Ул Апас районының Чури Бураш авылында туып үскән, иҗат юлы дәвамында ТАССР Дәүләт җыр һәм бию ансамблендә, Муса Җәлил исемендәге Татар дәүләт академия опера һәм балет театрында, шулай ук Габдулла Тукай исемендәге Татар дәүләт филармониясендә хезмәт иткән. Җырчының иҗади хәзинәсендә 500дән артык әсәр бар. Алар арасында татар халык җырлары, классик композиторлар иҗаты һәм милләтебезнең алтын мирасын тәшкил иткән күпсанлы әсәрләр урын ала. Аның башкаруындагы 300 җыр татар җыр сәнгатенең «алтын фонды»на кертелгән. Быел Фердинанд Сәлахов үзенең 70 яшьлек юбилеен да каршы ала 👏🏼 💐 Лаеклы дәүләт бүләге белән чын күңелдән котлыйбыз! Ныклы сәламәтлек, иҗади уңышлар һәм тамашачы мәхәббәте теләп калабыз!