⚡Айдысмаа Дажы-Даваа күзелин амыдыралда боттандырган — 10 июня 2026 г. в 10:17:43.100
⚡Айдысмаа Дажы-Даваа күзелин амыдыралда боттандырган ✍Чаатының чурттакчызы Айдысмаа Дажы-Даваа шагда-ла бодап чораан, чурук тырттырар, күзелин амыдыралда боттандырганын Улуг-хемниң Чонну ажылга хаара тудар төптүң даргазы Челээш Ховалыг дыңнаткан. Эгелеп чоруур сайгарлыкчы хууда ажыл-херээн ажыдып алыр дээш, кожууннуң Чонну ажылга хаара тудар төвүнче документилерин дужаап, комиссияга төлевилелин ажыктыын тайылбырлап, шынзыдып шыдаан. Айдысмаа Дажы-Даваа социал керээге үндезилээн күрүне деткимчези-биле «Canon 60 MARK II» маркалыг чурук тырттырар аппарат дээш оон-даа өске херек дериг-херекселди садып алган. Чурук студиязының ээзи культура бажыңының удуртулгазы-биле керээни чарып, ооң бир өрээлин чурук тырттырар салон кылдыр ажыткан. Ол күрүне деткимчези аныяк болгаш ажыл-херээн эгелээр деп турар сайгарлыкчыларга улуг идигни берип турарын демдеглээн. Чаатыжылар ооң мурнунда документиге-даа, өг-бүле чуруктарын-даа тырттырарда Шагаан-Арыгже чоруп турган. Ам олар артык чарыгдал үндүрбейн, чаңгыс чер чурттуунуң ачы-дузазын ап турар.