🌸*«АЛААС АХТЫЛҔАНА»*🌸- — 10 июля 2026 г. в 07:00:28.846
🌸*«АЛААС АХТЫЛҔАНА»*🌸- Үөһээ Бүлүүттэн төрүттээх Дьокуускай куоракка олорор биир дойдулаахтарбытыгар аналлаах 🌿🌿🌿*УЙГУ ЫҺЫАҔА*🌿🌿🌿 🍃🍃🍃*«САРГЫЛААХ САХАМ ТАҤАҺА»* күрэх балаһыанньата ☀️ *Буолар күнэ-дьыла, бириэмэтэ:* 2026 сыл, от ыйын 11 күнэ, 16 чаастан ☀️ *Ыытыллар миэстэтэ*: Дьокуускай куорат, «Үс Хатыҥ» налыы хонуута ✨ *Сыала соруга*: - Саха таҥаһыгар өбүгэлэрбит үйэлэргэ муспут үтүө үгэстэрин ойуутун-мандарын, таҥаһын - сабын тэнитии, тарҕатыы. - Хас биирдии ыһыах ыалдьыта маанылаах саха таҥастанарын ситиһии; - Иис, ураты дьарык буоларын билиһиннэрии; - Ииһинэн дьарыктанар уран тарбахтаахтары киэҥ эйгэҕэ таһаарыы ✨ *Күрэххэ кыттыы хайысхалара*: 🌸 *1. Дьиэ кэргэн сахалыы таҥаһа (дьиэ-кэргэн — оҕо, дьахтар, эр киһи)*; - Күннэтэ кэтиллэр сахалыы моһуоннаах таҥас; - Мааныга кэтиллэр сахалыы таҥас. 🌸 *2. Өбүгэ таҥаһа (оҕо, дьахтар, эр киһи).* Былыргы таҥаһы реконструкциялаан, тигии ньымаларын туттан, толору киэргэллээх симэхтээх буолара ирдэнэр. ✨ *Күрэх ирдэбиллэрэ:* - Сахалыы таҥаһы тикпит маастардар, симэхтэри оҥорбут уустар ааттара - суоллара ыйыллар. - Кыттааччы сайаапка-анкета толорор: Аата, араспаанньата, сааһа, олорор сирэ, таҥас тикпит маастар аата, араспаанньата, таҥас хаһан ханна тигиллибитэ ыйыллар. *Күрэҕи сыаналааһын*: Кыттааччы таҥаһын сөп түбэһэр музыка доҕуһуолунан түһүлгэҕэ киирэн көрдөрөр (3 мүн уһуна суох) таҥаһыгар дьүөрэлии хамсаныылары көрдөрүөн сөп. ✨ *Күрэх түмүгүн таһаарыы:* Дьүүллүүр сүбэ быһаарыытынан: “Бастыҥ сахалыы таҥастаах дьиэ кэргэн”, “Бастыҥ Эр киһи сахалыы таҥаһа”, “Бастыҥ Дьахтар сахалыы таҥаһа”, “Көрөөччү биһирэбилэ” анал ааттар иҥэриллэллэр. ‼️ PS: Дьүүллүүр – сүбэ көрүүтүнэн миэстэтигэр уларытыы киллэрэн анал ааттар олохтонуохтарын сөп. _Тэрийэр хамыыһыйа_ ‼️Билсэр номергыт: Ольга Григорьевна Г. 89142707335 Михаил Михайлович Е. 89640773838 Сахаайта Михайловна М. 89659988070