Саха сиригэр сайын кэрэ кэмэ саҕаланна! Күн сылааһа, от-мас көҕөрүүтэ, көтөрдөр ырыалар... — 22 мая 2026 г. в 14:15:41.883
Саха сиригэр сайын кэрэ кэмэ саҕаланна! Күн сылааһа, от-мас көҕөрүүтэ, көтөрдөр ырыалара — барыта үөрүүнү, дуоһуйууну аҕалар. Ыам ыйын 22 күнүгэр «Сайыны көрсө Кэрэлигэ» таһырдьа көрдөөх-нардаах оонньуулардаах тэрээһин буолан ааста. Барыта 30 тахса оҕо кыттыыны ылла. «Аврора» куруһуогун оҕолоро Борисова Айсена, Попова Влада, Степанова Виолетта, Степанова Надя, Яковлева Милена, Яковлева Саша, Саидова Вика иилээн-саҕалаан ыыттылар. Саидова Вика сайын кэлбитинэн эҕэрдэлээн хомуска оонньоото. «Кириэстии ыстаныы», «пазл», «классика», «мээчиги тэбии», «мин доҕорум», «викторина» уо.д.а. оонньуулары үөрэ-көтө ыыттылар. Оонньууну үчүгэйдик толорбут оҕолорго туоһу суруктар туттарылыннылар. Онтон бүтэһигэр 2 хамаандаҕа арахсан футболлаатылар. Күөх сайыны, сайылык күнүн оҕолор уруйдуу-айхаллыы көрүстүлэр, сүүрэн-көтөн сибиэһэй салгыҥҥа астына дуоһуйдулар.