«Айылгы» куруһуок «Эйгэ ситимэ» аһаҕас дьарыга. — 15 мая 2026 г. в 08:37:43.388
«Айылгы» куруһуок «Эйгэ ситимэ» аһаҕас дьарыга. Ыам ыйын 6 күнүгэр «Айылгы» куруһуок, эбии үөрэхтээһин күннэрин чэрчитинэн «Эйгэ ситимэ» диэн ураты аһаҕас дьарыга буолан ааста. Дьарык сүрүн сыалынан — оҕолорго сахалыы иитиилээх, сайдыылаах буолуу, айылҕа уонна киһи икки ардынааҕы быстыспат «эйгэ ситимин» билэргэ, олоххо сөпкө туттарга уһуйуу буолар. Дьарык сүрүн ис хоһооно уонна хаамыыта: Биир сомоҕо буолуу: Оҕолору биир тыыҥҥа, биир күлүмҥэ, биир күҥҥэ уонна биир эйгэҕэ киллэрэн, бары бииргэ холбоһон үтүөнү-кэрэни оҥорорго уһуйуу үлэтэ барда. Фольклору кытта ситим: Бэйэ-бэйэҕэ кыһаллыыны уонна үтүө эйгэни үөскэтиини анал кэпсэтиигэ киллэрэн, норуот тылынан уус-уран жанрдарын (олоҥхо, алгыс, өс хоһооно уо.д.а.) кытта ситимнээн көрдөрүлүннэ. Бөлөҕүнэн үлэ: Оҕолор бөлөхтөргө хайдыһан, бэйэ-бэйэлэрин кытта өйдөһөн, көмөлөһөн бииргэ үлэлиир үөрүйэхтэрин сайыннардылар. Дьарык формата: Ураты тэрээһин анал хайысханан ыытылынна. Оҕолор биир киһи курдук түмсэн, 5 араас көрүҥҥэ бэйэлэрин сайдыыларын, сатабылларын уонна айылҕаны, фольклору төһө дириҥник билэллэрин чаҕылхайдык көрдөрдүлэр. Дьарык оҕо кутугар сахалыы тыын уонна айылҕаҕа харыстабыллаах сыһыан иҥэригэр улахан суолталаах хардыы буолла.