«Өбүгэлэр оонньуулара» дьахталлар спартакиадалара түмүктэннэ — 14 мая 2026 г. в 14:08:24.259
«Өбүгэлэр оонньуулара» дьахталлар спартакиадалара түмүктэннэ Майа сэлиэнньэтигэр ыам ыйын 14 күнүгэр Комсомольскай болуоссакка «Өбүгэлэр оонньуулара» диэн дьахталлар спартакиадалара lV төгүлүн үөрүүлээх быһыыга-майгыга ыытылынна. Тэрийээччилэринэн «Майа сэлиэнньэтэ» тыа сирин түөлбэтин дьаһалтата уонна Майа дьахталларын сэбиэтэ буолаллар. Спартакиада сыала – дьахталларга өбүгэ оонньууларын сөргүтүү, чөл олоҕу уонна успуорду өрө тутуу. Спартакиаданы арыйыыга Майа дьахталларын сэбиэтин бэрэссэдээтэлэ Екатерина Петровна Романова, «Майа сэлиэнньэтэ» тыа сирин түөлбэтин баһылыгын социальнай боппуруостарга солбуйааччыта Наталья Гаврильевна Пахомова, сүрүн судьуйа Лена Гаврильевна Васильева эҕэрдэ тылларын эттилэр. Төһө да халлаан тымныы тыаллаах да буоллар, хамаандалар олус көхтөөхтүк кытыннылар. Спартакиадаҕа 6-лыы кыттааччылаах 10 хамаанда күрэхтэстэ. Кыттыыны ыллылар: · «Кэрэли» оҕону эбии үөрэтээһин киинэ, · Култуура киинэ, · Оройуоннааҕы киин балыыһа үлэһиттэрэ, · «Чуораанчык», «Сардаана», «Кэнчээри», «Мичил» уһуйааннар, · «Сайкл» дьахталлар түмсүүлэрэ, · «Харыстаана» СВО ийэлэрин түмсүүтэ, · Социальнай харысхал үлэһиттэрэ. Күрэх 7 көрүҥнээх: тыксаан, ойбонтон уулааһын, кириэстии ыстаныы, хомуур күрэҕэ, хороҥ оту үрдүнэн ыстаныы, туйах быраҕыы, эстэпиэтэ. Кыайыылаахтар: · I миэстэ – оройуоннааҕы балыыһа үлэһиттэрэ · II миэстэ – «Чуораанчык» уһуйаан хамаандата · III миэстэ – Сайкл дьахталлар түмсүүлэрэ «Кэрэли» педагогтарын хамаандата – Сардаана Дмитриевна салайааччылаах, Марфа Федоровна, Екатерина Владимировна, Саргылаана Павловна, Александра Васильевна, Саргылаана Филипповна – успуонсардар Дария Баишева, «Глянец» уонна «Нужные вещи» урбаанньыттар сертификаттарынан наҕараадаланнылар. Күрэх успуонсардарыгар: Дарья Дмитриевна Баишева, Ольга Григорьевна Григорьева («Көмүлүөк»), Инна Андреевна Лукина («Глянец»), Надежда Гаврильевна Романова («Атоми»), Лилия Владимировна Аргунова, Николай Иванович Аржаковка («Дэлэй» маҕаһыын) барҕа махталбытын тиэрдэбит. Спартакиада бары кыттааччыларыгар, кыайыылаахтарга уонна тэрийээччилэргэ истиҥ иһирэх эҕэрдэбитин, махталбытын тириэрдэбит! Чөл олоҕу, успуорду тутуһуохха, өбүгэлэрбит үтүө үгэстэрин салҕыахха!