Икки кыыспыт спорт маастарын толордулар — 3 июля 2026 г. в 05:24:15.107
Икки кыыспыт спорт маастарын толордулар 🏆Дьокуускайга оҕунан ыытыыга Россия чемпионатыгар Саха сирин сүүмэрдэммит хамаандатын састаабыгар, Бэрдьигэстээххэ Олимпийскай эрэллэр спортивнай оскуолатын иитиллээччилэрэ, бэрт ситиһиилээхтик кытыннылар. 🏹Ол курдук, дойдубут улахан күрэхтэһиитигэр Арина Сыренова, Ледиана Илюхина, Миша Борисов, Алеша Зыков, Ян Константинов бэйэлэрин күүстэрин холоннулар. Спортсменнарбыт төһө да үс бастыҥ иһигэр киирбэтэллэр, үчүгэй өйдөбүлү хааллардылар. 🔶Кыргыттарбыт Арина уонна Ледиана Россия спордун маастара нуорматын толорон, дьоһун көрдөрүүлэннилэр. Эдэр спортсменнарбытын, тренердэри улахан ситиһиилэринэн эҕэрдэлиибит.👏👏👏 Вячеслав Алексеев.
120 просмотров