🏅Мөөрейниң шаңналдары — 4 декабря 2025 г. в 05:39:42.314
🏅Мөөрейниң шаңналдары Бүгү Россия чергелиг Адалар хүнү болгаш Тыва дыл хүнүнге тураскааткан мөөрейни Национал школа хөгжүдер институт чарлаан турган. Уруглар садтарында чаштар, школачылар, сургуулдар аразында ачаларга тураскааткан тыва дылда уран номчулга күүседир, шүлүк болгаш комикстер чогаадыр мөөрейге ниитизи-биле 300 (!) ажыг киржикчилер ажылдарын чоруткан турган. Шаңналдыг черлер алгылаан киржикчилерниң аттарын мооң мурнунда чарлап дыңнадып турган бис. Шаңнал бижиктер электроннуг хевирлиг болур, дараазында айтыгже киргеш ап болур: https://disk.yandex.ru/d/5flbvRXk6YIgQg Киришкениниң дугайында сертификаттарны дараазында адреске келгеш ап алыр: Кызыл хоорай, Рабочая кудумчу, 2. Национал школа хөгжүдер институт, тыва филология лабораториязы. Киржикчилерниң хөй болганы-биле, удуртукчу башкыларының ат-сывын чыып бижиир ажыл саадаан болганда, шаңнал бижиктерниң үе-шаанда болдунмайн барганын дыңнадып тур бис. Видеода: эге школа өөреникчилериниң аразынга 1-ги черни алган киржикчи Субакпут Оргаадай (Кызылдың №9 гимназиязы)