МК

Майатааҕы «КЭНЧЭЭРИ» оҕону сайыннарар киин

Госорганы и учреждения · 7 июня 2026 г.

Открыть канал в MAX

МЭҤЭ ХАҤАЛАС УЛУУҺА ОСКУОЛА ИННИНЭЭҔИ ҮӨРЭХТЭЭҺИН ТЭРИЛЛИБИТЭ 100 СЫЛЫГАР АНАЛЛААХ ҮРҮҤ...

МЭҤЭ ХАҤАЛАС УЛУУҺА ОСКУОЛА ИННИНЭЭҔИ ҮӨРЭХТЭЭҺИН ТЭРИЛЛИБИТЭ 100 СЫЛЫГАР АНАЛЛААХ ҮРҮҤ ТУНАХ ЫҺЫАҔЫНАН! Үтүө күнүнэн, ытыктабыллаах дьоммут! Сахабыт сирин кэрэ айылҕата сириэдийэн, күөххэ үктэнэн, от үүнэн-чэчирээн, аламай маҥан күммүт чаҕылхайдык тыкпыт үрүҥ тунах Ыһыаҕынан ! Бүгүҥҥү Ыһыах Мэҥэ Хаҥалас улууһугар оскуола иннинээҕи үөрэхтээһин тэриллибитэ 100 сылыгар ананар! Бу сүүс сыл устата тыһыынчанан оҕо сахалыы тыыннаах, өй-санаа өттүнэн сайдыылаах, кыраҕа да улахаҥҥа да дьулуурдаах, дьоһуннаах киһи буола улаатта. Оҕо сааһыгар ылбыт үөрэҕэ, иитиитэ – кини инники олоҕун тирэҕэ. Онон бүгүҥҥү Ыһыах – биһиги оҕолорбут чэчирии үүнэллэрин, талааннара талыыларынан тахсалларын туоһута. Оҕо саас дьолун, үөрүүтүн, сайдыытын түстээбит дьоһун үлэһиттэрбитин, иитээччилэрбитин, төрөппүттэрбитин барыгытын бу улуу бэлиэ даатанан эҕэрдэлиибит! Бу Үрүҥ тунах Ыһыах үтүө санаанан, сырдык ыранан толоруллуннун! Алгыс тыла этилиннин, Айыыһыт хотун аргыстастын, Иэйиэхсит ийэбитинэн иннин диэки сирдээтин! Сахабыт омуга сайыннын, кэскилбит кэҥээтин, оҕолорбут дьоллоох буоллуннар!