Ыам ыйын 28 күнүгэр самаан сайыны уруйдаан уҺуйааммыт үгэһинэн уйгу-быйаҥ "Оҕо ыһыаҕа" ... — 29 мая 2026 г. в 03:39:07.424
Ыам ыйын 28 күнүгэр самаан сайыны уруйдаан уҺуйааммыт үгэһинэн уйгу-быйаҥ "Оҕо ыһыаҕа" буолла. Бу күүтүүлээх тэрээһиҥҥэ уһуйаан оҕолоро, иитээччилэр кыттыыны ыллылар. Ыһыах үөрүүлээх арыллыытыгар уҺуйааммыт дириэктэрэ Екатерина Петровна самаан сайын кэлбитинэн, үөрэх сыла түмүктэммитинэн эҕэрдэлээтэ. Быйылгы ыһыахпыт Арассыыйаҕа уонна улууспутугар оскуола иннинээҕи үөрэхтээҺин тэриллибитэ 100 сылыгар ананна. Бу күн үгэс буолбут сахалыы сиэр-туом толорулунна, арыылаах алаадьынан айах тутан, хомоҕой хомус тыаһа дьиэрэйдэ, илии- илиилэртэн ылсан оһуохайга туран, ырыа-тойук туойулунна. Улахан уонна бэлэмнэнии бөлөх уолаттара "Өбүгэлэр оонньуулара" диэн төрүт оонньуу күрэхтэригэр кыттыыны ылан кыайыы-хотуу аргыстаннылар. Үгэс буолбут "Саха талба-мааны таҥаһа", кыргыттарга аналлаах "Толбонурар уһун суһуох" күрэхтэр тэрилиннилэр. Күндү оҕолор, төрөппүттэр, иитэччилэр! Барыгытын күүтүүлээх самаан сайын салаллан кэлбитинэн ис сүрэхтэн эҕэрдэлиибит! Бу сайын эhиэхэ элбэх умнуллубат, үөрүүлээх түгэннэри бэлэхтээтин диэн алгыс тылбытын аныыбыт!